Մեր մասին
Astudio ՏՏ ընկերությունը (Astudio LLC, web company, web studia) վեբ կայքերը պատրաստում է միայն ծրագրային մաքուր կոդերով: Դա հնարավորություն է տալիս խուսափել կայքի շահագործման խնդիրներից, ապահովել բարձր անվտանգություն և ռեսուրսի արագ աշխատանքը:
Դառնալով մեր գործընկերը` դուք ոչ միայն ստանում եք երկարաժամկետ լուծումներ, վստահելի մասնագիտական կազմի աջակցություն, այլև առողջ եք պահում ձեր նյարդերը։
Կայքի պատրաստման փուլերը
- Կազմում ենք կայքի տեխնիկական նկարագիրը: Վեբ կայքի աշխատանքից արդյունք ստանալու համար, այն պետք է լինի հեշտ կառավարելի, հագեցած բիզնեսին անհրաժեշտ բոլոր գործիքներով: Դրա համար ռեսուրսը պետք է ճիշտ նախագծել, ծրագրավորել նախապես համաձայնեցված պահանջներին համապատասխան, ոչ թե կայքի պատրաստումից հետո անցնել դրա ձևափոխումներին: Լսելով ցանկությունները և հասկանալով կայքի նպատակները՝ մենք կներկայացնենք վեբ կայքի օպտիմալ նախագիծ: Այստեղ մենք հաշվի ենք առնում ոչ միայն ֆինանսական հնարավորությունները, այլև փորձում ենք գտնել հնարավորինս մատչելի գործիքներ:
- Ստեղծում ենք հեղինակային դիզայն: Բիզնես գաղափարներին մենք տալիս ենք ստեղծագործական լուծումներ, չենք գնում կամ գողանում պատրաստի դիզայներական շաբլոններ։ Վեբ կայքի պատրաստման ընթացքում առաջարկում ենք դիզայնի մի քանի տարբերակ, ներկայացնում դրանց առավելություններն ու սահմանափակումները:
- Ծրագրավորում ենք զրոյից: HTML5, CSS, PHP, JavaScript, Ajax, SQL, MVC, node.js: Վեբ ծրագրավորման ոլորտում օգտագործվող այս հապավումները դուք պարտավոր չեք իմանալ, սակայն որպես ապագա պատվիրատուի տեղեկացնենք՝ մեր վեբ ստուդիան կիրառում է միայն նորագույն տեխնոլոգիաներ և լուծումներ: Աստուդիո ընկերության աշխատանքները պատվով քննություն են անցել Ղազախստանում, ԱՄՆ-ում, Կանադայում, Իտալիայում, Գերմանիայում և Ռուսաստանում:
- Ստեղծում ենք կառավարվող կայքեր: Սա նշանակում է, որ պատվիրատուն կամ նրա ներկայացուցիչը ցանկացած ժամանակ առանց ծրագրավորող ներգրավելու կարող են ամբողջովին խմբագրել կայքի ինֆորմացիան: Մեր ստեղծած ադմինիստրացիոն համակարգի հնարավորությունները մեծ են և զերծ են պահում սպասարկման հետագա ծախսերից:
- Տեքստերի կազմում և ձևավորում: Կայքի ձևավորման փուլում անհրաժեշտ տեքստերը կազմում ենք օպտիմալացման և առաջխաղացման կանոններին համապատասխան: Որոնման համակարգերում կայքերի առաջխաղացման համար ունիկալ տեքստերը շատ կարևոր են, ինչն էլ ապահովում ենք: Թարգմանությունները կատարում ենք արագ և որակով, իսկ ձևավորման ընթացքում ձեր ներկայացուցիչը լիարժեք սովորում է կայքի շահագործման գործիքներն ու կանոնները:
- Կայքերի անվտանգության ապահովում: Աշխարհում առավել խոցելի են հայտնի, հետևաբար նաև լավ ուսումնասիրված CMS շաբլոնների վրա կառուցված վեբ կայքերը: Դրանք ոչ միայն ունեն բազմաթիվ և բազմապիսի սահմանափակումներ, այլև «գործարանային» թերություններ, որոնք էլ խոցելի են դարձնում կայքերը: Հենց անվտանգության պահանջները հաշվի առնելով ենք մենք որդեգրել մաքուր ծրագրային կոդերով, այսինքն` առանց CMS շաբլոնների աշխատելու քաղաքականությունը
Astudio IT Company
Վեբ ընկերությունները (web studia), փորձելով գրավել հաճախորդների ուշադրությունը, դա հիմնականում անում են մրցակիցների նկատմամբ տարատեսակ առավելություններ մատնացույց անելով և գործընկերներին վատաբանելով։ Մենք մտադիր չենք սևացնել մրցակիցներին, բոլորն էլ շուկայում ունեն իրենց կարճամկետ կամ երկարաժամկետ դերը։ Astudio Web Company-ն ընդամենը պատվիրատուների համար նշում է ոլորտում օբյեկտիվ ընտրություն կատարելու համընդհանուր սկզբունքները՝
- Ուշադրություն դարձրեք թեկնածու-ընկերությունների փորձին, գործունեությանը և մասնագիտացմանը․
- Ուսումնասիրեք ընկերությունների պորտֆոլիոն՝ կատարած աշխատանքները․
- Եղեք վստահ, որ ցուցադրված գործընկերների համար իրականում պատրաստվել են կայքեր․
- Վստահ եղեք, որ ցուցադրված կայքերն իրականում պատրաստել է թեկնածու ընկերությունը։
- Ընկերության անվանումը՝ Աստուդիո ՍՊԸ
- Հիմնադրվել է՝ 2009
- Ոլորտները՝ Digital, Software and Web Development
- Ծառայություններ՝ Websites, CRM, ERP, APPS, SEO, LLMO
- Տեղակայումը՝ Երևան, ՀՀ
- Շուկաներ՝ Հայաստան, ԱՄՆ, Եվրոպա, Իսրայել, ՌԴ, Ղազախստան
Հայաստանում լավագույն վեբ ստուդիաների օբյեկտիվ ընտրության համար առաջին հերթին դիմեք Google որոնողական համակարգին՝ «կայքի պատրաստում», «ինտերնետ խանութի ստեղծում» կամ այլ թեմատիկ հարցումներով։
- Ընտրությունը կատարեք առաջին 10 արդյունքներից։
- Համեմատեք կատարած աշխատանքները։
- Համեմատեք առաջարկվող գները։
- Խուսափեք 30-90% զեղչերից։
- Հանդիպեք թիմին, տվեք հարցեր, գնահատեք մոտեցումները։
- Պահանջեք պայմանագրային երաշխիքներ։
Կայքի պատրաստման պայմանագիր կնքելուց առաջ պարտադիր պահանջեք հետևյալ փաստաթղթերը՝
- Ընկերության փաստաթղթերը, ռեկվիզիտները;
- Պայմանագրի օրինակը, որտեղ պետք է լինեն կողմերի իրավունքներն ու պարտականությունները;
- Աշխատանքների տեխնիկական նկարագիրը;
- Կայքի սպասարկման երաշիքային և հետերաշխիքային սպասարկման պայմանները։
Նրանք վստահել են մեզ
Լեզուներ և տեխնոլոգիաներ
