Օնլայն խանութ Լաուրա
Օնլայն խանութի պատրաստում զրոյից: Վարսավիրական ապրանքների մասնագիտացված ինտերնետ խանութն ունի լիարժեք ֆունկցիոնալ: Անհրաժեշտ բոլոր բաղադրիչները և մոդուլները ծրագրավորված են զրոյից` ակցիաները, բոնուսները, գնումների արխիվը, ֆիլտրերը, որոնումը։ Ինտեգրել ենք Visa և Master վճարման համակարգերը: Լաուրա օնլայն խանութն այն հերթական դեպքն է, երբ մի քանի տարվա հաջող համագործակցությունից հետո որոշվել է թարմացնել, նորացնել կայքը՝ կիրառելով նոր տեխնոլոգիաներ և լուծումներ։ Աստուդիո թիմը սկսել է նոր ռեսուրսի ծրագրավորումը, որի դիզայն մակետները ներկայացնում ենք այստեղ։
- Ստեղծվել է՝ 2021թ․ (նախորդը՝ 2012թ-ին)
- Կատարման ժամկետը՝ 60 օր
- Կայքի տեսակը՝ օնլայն խանութ
- Տեխնոլոգիաներ՝ HTML5, CSS3, MVC Laravel
Օնլայն կատալոգ
Օնլայն կատալոգի պատշաճ ներկայացման համար կարևոր է բաժնի արագ ներբեռնումը, ճիշտ ադապտացումը տարբեր էկրանների չափերով, ֆիլտրների, դասավորման, քանակի ընտրության, գույների ընտրության, զամբյուղի, ֆավորիտների մոդուլները։ Այս վեբ-կայքի պարագայում կատալոգի պատրաստման ընթացքում առաջացած խնդիրներից էր զամբյուղ ուղարկելու կոճակի տեղադրումը ոչ միայն ապրանքի ներսի, այլև կատալոգի ցանկի էջում։ Հնարավորությունը սահմանափակ էր, քանի որ յուրաքանչյուր ապրանք ունի բազմաթիվ գույներ, որոնք պետք է ընտրել պատվիրտելուց առաջ։ Որպես լուծում առաջարկեցին գույնի ընտրության մոդուլի ներդրումը նաև կատալոգի ապրանքների քարտերի վրա։ Այսինքն, զամբյուղի կոճակին սեղմելիս էկրանին բացվում է pop-up, որի վրա այցելուն հնարավորություն ունի ըտնրել գույքներ, քանակներ և ավելացնել ապրանքը զամբյուղում։
Ապրանքի էջը
Ապրանքի էջում ադմինիստրատորը հնարավորություն ունի ավելացնել անուն, արտիկուլ, նկակրներ, նկարագրություն և այլն։ Այստեղ այցելուն ստանում է ամբողջական ինֆորմացիա, գույնի, քանակի ընտրության հնարավորություն, միանգամից տեսնում է անհատական զեղչը, կարողանում է թողնել մեկնաբանություն, ուղարկել ապրանքը զամբյուղ։
Ապրանքի էջի կառուցվածքը, օպտիմալացումը, թեթև ներբեռնումը կարևոր են ցածր հաճախականությամբ բանալի բառերով որոնողական համակարգերի թոփեր բարձրանալու համար։ Բանն այն է, որ անուններով որոնումների քանակը միշտ ցածր է։ Քանի որ հատուկենտ հարցումները չունեն մրցակցություն, դրանցով առանց հավելյալ ծախսերի հեշտ է արդյունքի հասնել։ Արդյունքում, ձեր տեսականու անվանացանկի և բրենդերի հարցումներով դուք ստանալու եք քիչ քանակի տրաֆիկ, սակայն տոկոսային հարաբերակցությամբ շատ վաճառք։
PWA վեբ-հավելված
Նախագծի վրա բացի բջջային տարբերակից նախատեսում ենք ժամանակի ընթացքում ներդնել PWA (Progressive Web Applications) վեբ-հավելված: Այս նորույթը մինչև հիմա փորձարկել ենք միայն մեր կորպորատիվ կայքի վրա։ Իհարկե, սովորելու բան այս ուղղությամբ դեռ շատ ունենք։
Օնլայն վաճառքի խանութներ
Օնլայն վաճառքի խանութները Հայաստանում և աշխարհում 2020-2021թթ-ին բիզնեսի համար դարձան թրենդային։ Եթե նախկինում պոտենցիալ պատվիրատուին ստիպված էինք երբեմն երկար պատմել օնլայն խանութի (online xanut) ընձեռած հնարավորությունների մասին, այսօր դրա կարիքը չկա։ Համաճարակով պայմանավորված սահմանափակումների և էլեկտրոնային կոմերցիայի անսպասելի զարգացման արդյունքում այլևս ոչ ոք չի վիճարկում ինտերնետ խանութների ստեղծման դրական ազդեցությունը բիզնեսի զարգացման վրա։ Այժմ արդեն ժամանակն է մտածել ոչ միայն ինտերնետ շոփի, այլև դրա միջոցով մրցակիցների նկատմամբ ակներև առավելություններ ստանալու մասին։ Եթե օֆլայն խանութի պարագայում կարևոր են տարածքի տեղը, դրա մեծությունը, նորոգումը, ապա վեբ-կայքի պարագայում լրիվ այլ մրցակցային պայմաններ են կարևոր՝
- Ներկայանալի, առանց սխալների աշխատող ռեսուրս
- Հարմարավետ մոբայլ տարբերակի առկայություն
- Տեսականու լիարժեք ներկայացում, գեղեցիկ ֆոտոներ, նկարագրություն
- Ստացված պատվերների արագ մշակում և ժամանակին առաքում
- Օնլայն վճարամիջոցների առկայություն
- Մարկետինգային գործիքների՝ անհատական զեղչերի, կուտակային համակարգի ներդրում։
- Կայքի SEO օպտիմալացում և առաջխաղացում որոնողական համակարգերում
- Էլեկտրոնային կոմերցիայի նորագույն պրակտիկաների ներդրում։
Այս պայմաններն ապահովելու դեպքում ինտերնետ խանութն իր արդյունավետությամբ կարող է մրցակցել նույնիսկ ավելի մեծ օֆլայն առևտրային կետերի հետ՝ խնայելով բազմաթիվ ծախսեր։
Ցանկանո՞ւմ եք ստեղծել նոր նախագիծ։ Եկեք քննարկենք այն։ Դուք կլսեք հիմնավորված գներ և ռեալ ժամկետներ։