AI օպտիմալացում (AEO, AIO, GEO)

Որոնողական համակարգերը, որպես ինֆորմացիան հավաքող և փոխանցող ունիվերսալ միջավայր, աստիճանաբար զիջում են իրենց դիքերը արհեստական բանականությանը կամ ինտեգրվում են ai համակարգերի հետ։

Դասական SEO-ն, որը դեռևս աշխատում է բանալի բառերի, կայքերի տեխնիկական օպտիմալացման և հեղինակավոր հետադարձ հղումների շնորհիվ, դադարում է լինել կայքի օպտիմալացման և բիզնեսի որոնողական առաջխաղացման միակ միջոցը։

2025-ի տվյալներով կայքերը, որոնք կիրառում են Ai օպտիմալացման և առաջխաղացման գործիքներ, միջինում արձանագրում են մինչև 30% կոնվերսիայի աճ։ Իսկ առանց LLMO/GEO-ի կորցնում են 40-70% օրգանիկ տրաֆիկ։

Astudio ընկերությունը, հետևելով ոլորտի զարգացմանը և շուկայի կարիքներին, արդեն կազմակերպել է սեփական կադրերի վերապատրաստումը AI օպտիմալացման (AEO, AIO, GEO) ուղղությամբ։ Ունենք օգտակար գիտելիքներ և հետաքրքիր փորձ առաջխաղացման հետևյալ ուղղություններով՝

1. SEO — Google-ի համար SEO օպտիմալացումը պահանջված կլինի երկար ժամանակ։
2. AEO — կայքը պատրաստում է ուղիղ պատասխաններում հայտնվելու համար։
3. AIO — օպտիմալացում AI-որոնումների արդյունքների համար։
4. GEO — օպտիմալացում գեներատիվ պատասխանների համար։
5. LLMO — օպտիմալացում LLM-մոդելների համար։

Astudio-ն առաջակում է AIO, GEO, AEO, LLMO օպտիմալացման նոր ծառայություններ, որոնք կարող են ձեր բիզնեսի առջև բացել հետաքրքրված այցելուներ ստանալու նոր գործիքակազմ։ Կոմերցիոն հարցումներով առաջխաղացման սեգմենտում արդեն ունենք հաջողված քեյսեր։

Ի՞նչ է AEO-ն (Answer Engine Optimization)

Եթե դուք ցանկանում եք, որ ձեր կայքը տրամադրի կոմերցիոն հարցումների պատասխանը, դառնա ոչ կոմերցիոն պատասխանների ուղիղ աղբյուր՝ կիրառեք AEO:

SEO-ն ասում է՝ «դարձիր վստահելի, բարձրացիր առաջին էջ», AEO-ն ասում է՝ «դարձիր վստահելի, հայտնվի ai պատասխաններում»։

AEO-ն օպտիմիզացնում է կոնտենտը, որպեսզի այն․

• հայտնվի Featured Snippet-ներում
• օգտագործվի ChatGPT / Gemini պատասխաններում
• մեջբերվի Ai-ների աուդիո պատասխաններում։

Դրական արդյունքի համար կայքում կոնտենտը պետք է կառուցվի ելնելով իրական հարցերից։ Պատասխանները պետք է լինեն կարճ, ստուգված և հավաստի։ Կոդի օպտիմալացման մասով պետք է տանել համապատասխան աշխատանք։

Ի՞նչ է GEO-ն (Generative Engine Optimization)

GEO-ն (Generative Engine Optimization) բովանդակության օպտիմալացումն է, Ai-ների կողմից գեներացվող պատասխանների աղբյուր դառնալու համար։ Եթե AEO-ն ասում է՝ «հայտնվիր ai պատասխանում», GEO-ն ասում է՝ «ամփոփիր ամբողջ թեման այնպես, որ դառնաս ai պատասխանների սկզբնաղբյուրը»։ 

GEO-ն օպտիմիզացնում է կոնտենտը, որպեսզի այն․

• օգտագործվի ChatGPT, Gemini, Claude, Perplexity-ի նման համակարգերի կողմից
  դառնա պատմողական, կոնտեքստային պատասխանների աղբյուր
• օգնի AI-ին կառուցել ամբողջական միտք, ոչ թե վերցնել մեկ նախադասություն։

Ի՞նչ է LLMO-ն (Large Language Model Optimization)

LLMO-ն իրենից ենթադրում է կոնտենտի ստեղծում և կառուցում ոչ միայն մարդկանց, այլ  նաև արհեստական բանականության համար։ Ի տարբերություն SEO-ի, LLMO-ն չի բարելավում ձեր դիրքը որոնողական համակարգերում, այն օգնում է ձեր կայքի տրամադրած կոնտենտը հասցնել արհեստական բանականությանը։

Այսինքն LLMO-ն հուշում է՝ ինչպես կազմակերպել կոնտենտի կառուցվածքը, կոդում մատուցման ձևը, որպեսզի ai լեզվամտածողության մոդելները կարողանան այն հասկանալ: Մոդելները, հասկանալով, ամփոփելով մատուցված ինֆորմացիան, կրկին այն օգտագործում են ապագա պատասխաններում։

Տեսականորեն, դուք կարող եք հայտնվել որոնողական համակարգերում առանց LLMO-ի, սակայն առանց դրա ձեր կայքը երբեք չի դառնա ինֆորմացիայի սկզբնաղբյուր։ 

Ի՞նչ է AIO-ն (Artificial Intelligence Optimization)

AIO-ը բովանդակության, կայքի և բրենդի համապարփակ օպտիմալացումն է, որի նպատակն է դարձնել կայքը AI համակարգերի համար վստահելի, ընտրելի և մեջբերվող աղբյուր։ 

Այստեղ միայն կայքի ինֆորմացիայի օպտիմալացումը բավարար չէ։ Ai մեդելներին անհրաժեշտ են ինֆորմացիայի այլ աղբյուրներ, որոնք կմատուցեն համարժեք ինֆորմացիա և կդառնան ստացված գիտելիքի հաստատման աղբյուր։

Սա ռազմավարության այն տեսակն է, որով կայքը օպտիմալացվում է ոչ միայն որոնողական համակարգերի համար, այլ նաև արհեստական բանականության մտածողության համար։ 

Ռազմավարությունը ներառում է օպտիմալացման միանգամից մի քանի տեսակ՝ SEO, AEO, GEO, LLMO։ AIO-ի ամենակարևոր հաղորդագրությունն է «AI-first»․ այսինք ամբողջական ռազմավարությունը կառուցվում է առաջնահերթությունը տալով արհեստական բանականությանը։ 

AIO-ն աշխատում է, որպեսզի կոնտենտը․

• հայտնվի AI պատասխաններում
• օգտագործվի որպես վստահելի աղբյուր
• կառուցի թեմատիկ հեղինակություն
• չկորչի AI-ով գեներացված ինֆորմացիոն աղմուկի մեջ։