Ներքին SEO օպտիմալացում
Ներքին SEO օպտիմալացման (internal SEO, onsite SEO) նպատակն է ապահովել կայքի առաջխաղացումը որոնողական համակարգերի արդյունքներում, բարելավելով վեբ-կայքի կառուցվածքը, օպտիմալացնելով կոդը, բովանդակությունը և, օգտագործելով ներքին հղումներ, որոնողական ռոբոտներին «ցուցադրել» կարևոր էջերը։ Պարզ ասած՝ ներքին օպտիմալացման ռազմավարությունները նպաստում են, որպեսզի որոնողական համակարգերը ավելի լավ հասկանան և ինդեքսավորեն կայքի բովանդակությունը։ Այս գործողությունը SEO առաջխաղացման առաջին կարևոր քայլն է։
Ներքին SEO-ն կազմված է մի քանի փուլից՝
- Սեմանտիկ միջուկի ստեղծում, որն իրենից ներկայացնում է սայթի և բրենդի թեմատիկային առնչվող բանալի բառերի, բառակապակցությունների և արտահայտությունների խումբ, որոնք հստակ բնութագրում են ապրանքները և ծառայությունները:
- Երկրորդ փուլով սեմանտիկ միջուկի բանալի բառերը տեղաբաշխում ենք կայքի էջերում և ըստ այդ կառուցվածքի սկսում աշխատել կոնտենտի վրա։ Այս փուլի գլխավոր նպատակն է ունիկալ, հետաքրքիր և գրագետ բովանդակություն, որը ոչ միայն «դուր կգա» որոնողական ռոբոտին, այլև մարդկանց կստիպի էջում հնարավորինս երկար մնալ և գործողություններ կատարել։
- Մետա տեգերի, SEO ատրիբուտների հետ աշխատանք և դրանց սինքրոնացում տեքստերի հետ։ Չենք մոռանում URL-ն դարձնել հասկանալի (կամ ընթեռնելի) մարդկանց համար։
- Նկարների օպտիմալացումն ապահովում է ոչ միայն վեբ-կայքի արագ աշխատանքը, այլև տեսքը։ Այս փուլը իր մեջ ներառում է նկարների, դրանց ֆորմատի, չափերի, ֆայլին համապատասխան անվան ընտրությունը։
- Տեխնիկական օպտիմալացում․ այս փուլը ունի կրիտիկական նշանակություն և իր մեջ ներառում է մի շարք տեխնիկական աշխատանքներ կայքերի արագ և անխափան աշատանքն ապահովելու համար, որոնք են Էջերի բեռնման արագացում, կայքի կառուցվածքի օպտիմալացում, sitemap.xml և robots.txt ֆայլերի հետ աշխատանք և այլն։
Ի՞նչ դեր ունեն կայքի ներքին հղումները
Կայքի ներքին հղումներն այցելուներին ուղղորդում են մի էջից դեպի գոյություն ունեցող այլ էջեր, որոնց պարունակությունը պետք է ունենա իմաստային շարունակականություն: Տվյալ հղումները ոչ միայն միացնում են տարբեր էջեր, այլև պետք է ունենան բովանդակության համապատասխանություն կամ ցույց տան ինֆորմացիայի աղբյուրը։ Եթե կայքի ներսի էջերից դեպի գլխավոր էջ գնացող հղումներին տանք երկրաչափական տեսք, ապա դրանց ուղղությունը պետք է ձևավորի եռանկյուն, որտեղ վերին գագաթը գլխավոր էջն է՝ ամենակարևորը կայքի կառուցվածքում։
- Ներքին հղումներն օգնում են հեշտ կողմնորոշվել մեծ կայքերում՝ թույլ տալով այցելուներին ուսումնասիրել տվյալ թեմայի հետ կապ ունեցող այլ էջեր;
- հղումներն արագացնում են սկանավորման գործընթացը, քանի որ որոնողական համակարգերն օգտագործում են դրանք սայթի կարևոր էջերը հայտնաբերելու և ինդեքսավորելու համար;
- ներքին հիպերհղումներն իրար կապելով իմաստային ընդհանրություն ունեցող էջերը, որոնողական համակարգերին թույլ են տալիս ճանաչել տարբեր էջերի փոխկապակցված կոնտենտը;
- ճիշտ կառուցված լինկերի համակարգն օգտատերերին ստիպում է ծանոթանալ լրացուցիչ նյութերի, ինչը մեծացնում է ներգրավվածությունը և էջերի դիտումների քանակը։
Սայթերի ներքին որոնողական օպտիմալացումը ՍԷՕ առաջխաղացման կարևորագուն մասն է և կրիտիկական նշանակություն ունի բանալի բառերով կայքի առաջընթացի համար։ Սակայն մինչ տեխնիկական աշխատանքները սկսելը դուք կարող եք պատվիրել կայքի աուդիտի ծառայություն, ինչի արդյունքում ստանում եք ձեզ սպասող ծախսերի հստակություն։ Հատուկ նշենք, որ ներքին SEO օպտիմալացման ծառայությունն արդեն իսկ ներառում է աուդիտը։
Պատվիրել կայքի SEO
Մեկանգամյա՝ սկսած 160,000֏
Մինչև սայթի SEO օպտիմալացման պատվերը դիտարկելը մենք ուսումնասիրում ենք կայքը, քանի որ քիչ չեն դեպքերը, երբ օպտիմալացման աշխատանքները կարող են լինել անարդյունավետ ու նույնիսկ անհնար։ Այնպես, որ եթե ցանկանում եք բանալի բառերով ունենալ նկատելի դիրքեր Google և Yandex որոնողական համակարգերում, ուղարկեք ձեր կայքի հասցեն գնառաջարկ ստանալու համար։
Ի՞նչ կտա ձեզ SEO օպտիմալացումը
- Կայքի այցելությունների քանակի ավելացում;
- Տեխնիկական խնդիրների շտկում;
- Վաճառքների և հայտերի ավելացում։