Կայքեր և ERP հյուրանոցների համար

Հյուրանոցային բիզնեսի գործունեությունն արդեն անհնար է պատկերացնել առանց it տեխնոլոգիաների կիրառման, ծրագրային ապահովման և վեբ-կայքերի ֆունկցիոնալի։ Սկսած հաճախորդների ներգրավման գործիքներից, մինչև հյուրանոցների համարների ամրագրում, օնլայն վաճառք, հաճախորդների բազաների կառավարման CRM-ներ, հյուրանոցների կառավարման ERP համակարգեր․․․ բոլոր այս պրոցեսները զարգացած շուկաներում վաղուց ավտոմատացված են, նույնիսկ, եթե հյուրանոցը փոքր է։ Աստուդիո ընկերությունն առաջարկում է կայքեր և ERP հյուրանոցների համար, հյուրանոցների կառավարման համալիր ծրագրային լուծումներ՝

• հյուրանոցային կայքի պատրաստում և SEO առաջխաղացում;
• համարների ամրագրման մոդուլի ներդրում սայթում;
• օնլայն վճարամիջոցների ինտեգրում;
• համարների զբաղվածության օրացույցի մոդուլի պատրաստում և ինտեգրում;
• լիդերի և հաճախորդների բազաների կառավարման CRM ծրագրի զրոյից ստեղծում;
• հյուրանոցի աշխատանքի կառավարման ERP համակարգի ծրագրավորում։

Հյուրանոցային կայքի առանձնահատկությունը

Հյուրանոցային կայքն ունի մի շարք առանձնահատկություններ։ Աշխատանքները սկսելուց առաջ կարևոր է նախապես պլանավորել համարների տեսակների, սենյակների ներկայացման, ամրագրման օրացույցի, մեծահասակ հյուրերի, երեխաների քանակի, սեզոնային գների, հավելյալ քնելու տեղի ֆունկցիաների աշխատանքը և կարգավորումների նկատմամբ պահանջները։ Առանձնահատուկ ուշադրության է ենթակա գործող ծրագրային ապահովումների հետ ինտեգրացիաների հարցը։ Այս շղթայում ցանկացած բացթողում ապագայում հանգեցնում է լրացուցիչ աշխատանքների և ծախսի։

Ինչպե՞ս ստեղծել կայք հյուրանոցի համար՝

• նախապես  անհարժեշտ է կազմել տեխնիկական նկարագիրը;
• ստեղծել հարմար նավիգացիայով, մոբայլ տարբերակով վեբ-դիզայն;
• մեծ ուշադրություն դարձնել համարների որոնման համակարգին;
• ապահովել սենյակների ազատ/զբաղված կարգավիճակների ստուգումները;
• ճիշտ ծրագրավորել սեզոնային գների, հավելյալ ծառայությունների մոդուլները;
• ստեղծել հյուրերի քանակից կախված տեղաբաշխումներն ավտոմատացնող ֆունկցիոնալ; 
• ինտեգրել օնլայն վճարամիջոցներ;
• գնումների տվյալները ռեալ ժամանակում փոխանցել կառավարման ծրագրին;
• ավտոմատացնել ամրագրումների չեղարկման պայմանները և ալգորիթմները;
• որակյալ տեքստերով, լուսանկարներով և վիդեոներով ձևավորել կայքը;
• ըստ հնարավորության ներդնել Schema.org տվյալների սեմանտիկ նշումների ստանդարտները։

Նշված աշխատանքները կատարում ենք փուլ առ փուլ։ Սկզբում պատրաստում, ինֆորմացիայով ձևավորում և ակտիվացնում ենք բազային ֆունկցիոնալով կայքը։ Դա թույլ է տալիս զբաղվել SEO, SMM առաջխաղացմամբ, ստանալ լիդեր, ներգրավել առաջին հաճախորդներին մինչև մյուս ֆունկցիաների ստեղծումը և ակտիվացումը։

Երկրորդ էտապով ստեղծում ենք համարների որոնման համակարգը, ինտեգրում ենք սենյակների կառավարման և օնլայն վճարամիջոցների մոդուլները և ամբողջական տեսքի ենք բերում սայթի ֆունկցիոնալ հատվածը։ Երրորդ փուլով արդեն ըստ անհրաժեշտության կատարում ենք կողմնակի այլ ծրագրային ապահովումների հետ api/rest api կապի ապահովումը։