IT աութսորսինգ

IT աութսորսինգը (it outsourcing, նաև՝ web outsourcing) ենթադրում է մասնագիտացված IT ընկերության ռեսուրսների, աշխատուժի օգտագործումը երկարաժամկետ պայմանագրի հիման վրա։ «Աստուդիո» վեբ ծրագրավորման ընկերությունն առաջարկում է աութսորսիգնի ծառայություններ հետևյալ ուղղություններով՝

1. Խոշոր նախագծերի, ծրագրերի և ստարտափերի ստեղծում
2. Վեբ ծրագրավորման աշխատանքներ ըստ թասքերի
3. Գործող սայթերի տեխնիկական սպասարկում
4. Կայքերի կոնտենտի սպասարկում և տեքստային աշխատանքներ
5. SEO օպտիմալացում և առաջխաղացում որոնողական համակարգերում։

Ի՞նչ եք ստանում՝ աութսորսինգի հանձնելով ձեր նախագծի ստեղծումը կամ սպասարկումը։ Նախ, պրոֆեսիոնալ սպասարկում և տարբեր մասնագիտացումների գծով աջակցություն մեկ վայրից։ Եթե, օրինակ, նախատեսում եք SEO-ի ուղղությամբ զարգացնել սեփական կայքը, Աստուդիո վեբ-ընկերությունն իր վրա է վերցնում նաև բոլոր հարակից ծառայությունները։ Չէ որ SEO առաջխաղացումը ենթադրում է մի քանի ուղղություններով մասնագետների համարտեղ աշխատանք։

• Պրոյեկտ մենեջերը պլանավորում և կազմակերպում է գործընթացը
• Վեբ ծրագրավորում՝ էջերում առկա սխալներն ուղղելու համար
• SEO մասնագետը զբաղվում է կայքի բուն առաջխաղացմամբ
• Քոփիռայթերը գրում և թարգմանում է անհրաժեշտ տեքստերը
• Կոնտենտ մենեջերը զբաղվում է կայքի ձևավորմամբ։

Աութսորսի արդյունքում պատվիրատու ընկերությունը խնայում է հավելյալ մասնագետներ գտնելու, վերահսկելու, վարձատրելու, աշխատավայրում տեղ ապահովելու և հարկերի վրա ծախսվող բյուջեն՝ դրա մի մասը վճարելով ոլորտում մասնագիտացված գործընկերոջը։

Վեբ ծրագրավորման աութսորս

Վեբ ծրագրավորման աութսորսի անհրաժեշտությունն առաջանում է, երբ այլ ոլորտում աշխատող տնտեսվարողը կամ անհատը նախատեսում են ստեղծել երկարաժամկետ աշխատանք ենթադրող վեբ-պրոյեկտ։ Այս պարագայում հեղինակներն ունեն 2 ճանապարհ՝

1. հավաքել սեփական թիմը՝ UI/UX դիզայներ, frontend, backend ծրագրավորողներ, անալիտիկ, պրոյեկտ մենեջեր, թեստավորող և այլն՝ կրելով ֆրիլանսերների աշխատանքի համակարգման և որակի ապահովման ողջ պատասխանատվությունը,
2. դիմել տարիների փորձ ունեցող վստահելի ընկերության՝ ամբողջ գործընթացը կամզակերպելու, վերահսկելու, որակի համար իրավաբանական պատասխանատվություն կրելու համար։

Նման պրոյեկտների համար ամսական համաձայնեցված ստաբիլ վարձավճարի դիմաց առաջարկում ենք համալիր ծառայություններ։ Աշխատում ենք նաև պրոցեսների կառավարման Agile (Ճկուն) մեթոդոլոգիայով։

• Պրոյեկտի ղեկավարում, անալիտիկա
• Դիզայներական աշխատանքներ
• Frontend ծրագրավորում
• Backend ծրագրավորում
• Տվյալների բազաների հետ աշխատանք
• iOS և Android ծրագրավորում
• Թեստավորում, pen testing:

ՏՏ աութսորսինգի անհրաժեշտություն առաջանում է նաև տարբեր երկրներում մասնագետների աշխատավարձերի կտրուկ տարբերության հետևանքով։ Եթե որևէ զարգացած երկրում միջին փորձով ծրագրավորողի ժամավարձը պայմանական 50$ է, իսկ Հայաստանում կրկնակի պակաս, ապա վեբ ստուդիաներին և դիջիթալ գործակալություններին, կարող է գրավել է աութսորսինգային պայմանագրի հիման վրա նախագծերի իրականացման մեր առաջարկը։

Վեբ-ծրագրավորման ընկերությունները (web company) կարող են Աստուդիո ընկերությանը հանձնել հետևյալ ընթացիկ խնդիրները՝

1. Տարբեր բարդության կայքերի ծրագրավորում
2. API-ների ստեղծում և բարդ ինտեգրացիաներ
3. Մոբայլ հավելվածների ստեղծում
4. Անհատական նախագծով CRM ծրագրերի պատրաստում։

Աութսթաֆինգի ծառայություն

Լինում են դեպքեր, երբ պատվիրատուն ցանկանում է ոչ միայն աութսորսի հանձնել սեփական նախագիծը կամ բիզնես պրոցեսների ավտոմատացումը, այլև պահանջում է գործընկերոջ մասնագետների ֆիզիկական ներկայությունը սեփական հիմնարկում։ Աութսթաֆինգի ծառայության նման փորձ մենք ունենք արտասահմանյան խոշոր ընկերությունների և բանկերի հետ։

Անհրաժեշտության դեպքում, համապատասխան պայմանների ապահովման նախապայմանով կարող ենք ապահովել համապատասխան մասնագետների ներկայությունը ձեր հիմնարկում, ովքեր տեղում կկազմակերպեն ընթացիկ խնդիրների և առաջադրանքների իրականացումը՝ պատվիրատուի անմիջական վերահսկողության ներքո։