Վեբ-կայքերի համալիր սպասարկման ծառայությունները, փոքր բացառություններով, մատուցում ենք այն հաճախորդներին, ում համար ինքներս ենք ծրագրավորել սայթը: Սա քմահաճույք չէ, այլ՝ ռեսուրսների օպտիմալ օգտագործման ձգտում։ Իսկ փոքր բացառություները կապված են մասնագիտական ազարտի հետ։
Հայաստանի չափանիշներով միջին վեբ ստուդիան, որն ունի 12-20 հոգանոց աշխատակազմ (PM, QA, ծրագրավորողներ, կոնտենտ մենեջեր, դիզայներ և այլ) տարեկան ստեղծում է 20-ից ավելի վեբ-սայթ, ինտերնետ խանութ, պորտալ: Այս հաճախորդների 20-50 տոկոսը կայքը շահագործելուց հետո դիմում է սպասարկման, SEO առաջխաղացման, SMM ծառայությունների հարցով, ինչը ստիպում է խնայել աշխատակազմի ռեսուրսները՝ ամբողջ ուշադրությունը կենտրոնացնելով մշտական հաճախորդների վրա։
Համալիր սպասարկման շրջանակում Աստուդիո ընկերությունն իր պատվիրատուներին մատուցում է բարձրակարգ ծառայություններ հետևյալ ուղղություններով՝
- Կայքի կոնտենտի սպասարկում, դիզայն, քոփիռայթինգ;
- Ինտերնետ խանութի սպասարկում, բաժինների և ապրանքների նկարագրությունների ավելացում;
- SMM ծառայություններ (Facebook, Instagram, TikTok, VK, Linkedin, YouTube, Telegram, Whatsapp Business);
- Google Business սերվիսի զարգացում, ապրանքների և ծառայությունների կատալոգի զարգացում;
- Բանալի բառերով SEO առաջխաղացում, Schema.org միկրոնշումների (micromarking, microdata) ինտեգրում;
- Սոց ցանցերի և էլեկտրոնային լրատվամիջոցների ավտոմատիզացված մշտադիտարկում, PR ծառայություններ և ինֆորմացոն աջակցություն;
- Հոսթինգի տրամադրում, տեխնիկական աջակցություն և մոնիտորինգ։
Ինչպե՞ս ենք սպասարկում կայքերը
Ինչպե՞ս ենք սպասարկում մեր պատրաստած կայքերը, և ի՞նչ կոնկրետ գործողություններ է ենթադրում ծառայությունը։ Նախ հատուկ ընդգծենք․ եթե խոսք է գնում ոչ մեծ տեղեկատվական կայքի մասին, դրանում երբեմն նոր ինֆորմացիա ավելացնելու և թարմացնելու համար սպասարկման կարիք չկա։ Մենք ոչ միայն պատվիրատուին տրամադրում ենք խմբագրման լիարժեք գործիքներ, վիդեո ինստրուկցիաներ, այլև ինքներս օգնում ենք թարմացնել սայթի կոնտենտը, եթե խոսք է գնում ամսական մեկ երկու նյութ ավելացնելու մասին։
Ավելի համակարգային մոտեցման դեպքում կոնտենտի սպասարկմանը միացնում ենք սոցիալական ցանցերում ընկերության առաջխացման, SEO օպտիմալացման և գովազդային արշավների կազմակերպման ծառայությունները։ Արդյունքում, պատվիրատուն ազատվում է ամեն ուղղությամբ առանձին մասնագետ գտնելու հոգսից, մենք էլ ստանում ենք տարեկան պայմանագիր՝ ստաբիլ ամսական վճարումներով։
Ընդհանուր պայմաններ․
- Կազմում ենք աշխատանքային ծրագիրը, գրաֆիկը և գնացուցակը;
- Յուրաքանչյուր ուղղությամբ թվարկում ենք անելիքները;
- Յուրաքանչյուր շաբաթ կամ ամիս տրամադրում ենք հաշվետվություն;
- Կրիտիկական նշանակության հարցերը լուծում ենք արտահերթ՝ անկախ պահանջվող ժամանակից;
Կայքի տեխնիկական աջակցություն և կոնտենտի սպասարկում.
- Կոնտենտի թարմացումներ, թարգմանություններ, մեդիայի տեղադրում;
- SEO տեքստերի կազմում և ավելացում;
- Տեխնիկական սպասարկման շրջանակում հոսթինգի մշտադիտարկում;
- Կայքի պարբերական տեխնիկական բարելավումներ։
ՍՄՄ ծառայություններ․
- Մշակում ենք smm ռազմավարությունը և կոնտենտ պլանը;
- Պատրաստում ենք դիզայն փաթեթներ յուրաքանչյուր սոց ցանցի համար;
- Ստեղծում ենք կոնտենտը, կատարում հրապարակումները;
- Զբաղվում ենք գովազդի կարգավորումներով և ուղեկցումով;
- Ըստ անհրաժեշտության մեր վրա ենք վերցնում նամակագրությունները։
Մարքեթինգային ծառայություններ․
- Կազմում ենք գովազդային ռազմավարությունը և գովազդային պլանը;
- Ըստ թիրախային լսարանների առանձնացնում ենք գովազդային հարթակները և տարբաժանում ենք բյուջեն;
- Կազմում ենք գովազդային առաջարկները, հայտարարությունները, վիզուալ նյութերը;
- Ուղեկցում ենք գովազդային արշավները, անցկացնում ենք մշտադիտարկում;
- Պատվիրատուին տրամադրում ենք շաբաթական հաշվետվություններ։
Օնլայն խանութների սպասարկում
Օնլայն խանութների սպասարկումն առանձնացնում ենք, քանի որ այս մասով անհրաժեշտ է ավելի ուշադիր և խիտ գրաֆիկով համագործակցություն, պատասխանատվությունն էլ ավելի բարձր է։ Օրինակ, ակտիվ աշխատող ինտերնետ խանութի միայն պրոցեսների աուդիտի և տեխնիկական սպասարկման վրա միջինում անհրաժեշտ է ծախսել ամսական 40 աշխատանքային ժամ։ Եվ սա միայն տեխնիկական ուղղությունն է՝ առանց SMM, SEO ծառայությունների կրկնության՝
- Ինտերնետ խանութի աշխատանքի մշտական աուդիտ
- Այցելուների պահվածքի և քայլերի վերլուծություն
- Վճարամիջոցների և հաշվապահական ծրագրի հետ ինֆորմացիայի փոխանակման աուդիտ
- Ապրանքների թարմացումների ստուգումներ
- Ընթացիկ տեխնիկական սպասարկում։
Եթե ձեր ինտերնետ խանութը կամ ստարտափը լիարժեք սպասարկման, առաջախաղացման ծառայությունների կարիք ունի, ուղարկեք ձեր կայքի հասցեն և առաջադրվող պահանջները info@astudio.am էլ փոստին։ Մենք կուսումնասիրենք ռեսուրսը, կիրականացնենք տեխնիկական աուդիտ, կքննարկենք ձեր պահանջները, կհաշվարկենք ծախսվող աշխատաժամանակը և կկազմենք փոխադարձ շահեկան գնացուցակ։
Հոդվածը գրվել է 2015 թվականին և թարմացվել է 2024-ի հունիսին։ Եթե կարդացել եք մինչև վերջ, ներքևում կարող եք գնահատել ինֆորմացիայի օգտակարությունը։
Մարդկանց 70%-ը գնումներից առաջ ինֆորմացիա է փնտրում ինտերնետում։ Ցանկանո՞ւմ եք աչքի ընկնել։ Հինգ (5!) րոպեում մենք կհուշենք ինչպես։
Օգտակա՞ր էր այս հոդվածը