Ի՞նչ է նշանակում ինքնուրույն SMM առաջխաղացում և ինչո՞վ կարող է սոցիալական ցանցերում առաջխաղացումն օգնել բիզնեսին: Այս հարցն ավելի արդիական է դարձել սոցցանցերի զարգացմանը զուգընթաց: Կայքերի պատրաստումից հետո Astudio ընկերությանը պատվիրատուները հաճախ հարցնում են, թե ի՞նչ պետք է անել շատ պատվերներ ու զանգեր ստանալու համար: Երբ ստանում են հակիրճ տեղեկատվություն առաջխաղացման գործընթացի, ժամկետների, գների մասին, ոմանք մտածում են, որ կարող են խնայել ու SMM առաջխաղացմամբ զբաղվել ինքնուրույն: Իսկ ինչպե՞ս կարելի է SMM առաջխաղացմամբ զբաղվել ինքնուրույն: Ի՞նչ գործիքներ կան խնդիրը հեշտացնելու համար և ինչպե՞ս չվնասել սեփական բիզնեսին:
- Ստեղծեք որակյալ և գեղեցիկ էջեր սոցիալական ցանցերում։
- Օգտագործեք հեղինակային դիզայն և գեղեցիկ լուսանկարներ։
- Լրացրեք ձեր էջերի ինֆորմացիան, տեղադրեք ապրանքներն ու ծառայությունները։
- Եղեք հետաքրքիր ընթերցողների համար, անպայման չէ զբաղվել միայն ուղղակի գովազդով։
- Պատասխանեք բոլոր հաղորդագրություններին և մեկնաբանություններին։
- Մի ջնջեք բացսական արդար մեկնաբանությունները, այլ դասեր քաղեք դրանցից։
- Երբեք մի վստահեք բոտերով հարուստ առաջխաղացման հարթակներին։
Սոցիալական մեդիայի զարգացման նախնական շրջանում արդեն պարզ էր, որ վիրտուալ աշխարհում սոցցանցերի հանդեպ հետաքրքրությունը բիզնեսի առաջխաղացման և վաճառքի մեծացման գրավականն է: Նոր SMM մասնագետների համար (որոնց SMM-շիկ են անվանում) աքսիոմա է դարձել՝ ինչ-որ բան գովազդելու ու դրանից եկամուտ ունենալու համար նախևառաջ պետք է հետևորդների համար հետաքրքիր օգտատեր դառնալ:
Դասական SMM առաջխաղացմամբ զբաղվելու համար անհրաժեշտ է դառնալ հետաքրքիր, տարբերվող օգտատեր, ձեռք բերել իրական ու հավատարիմ հետևորդենր, տալ նրանց վիրտուալ ամենաուժեղ թմրանյութերից՝ նորություններ, պոզիտիվ, սենսացիա, գիտելիք, որը կստիպի մտածել:
- Որոշ SMM մասնագետներ նախընտրում են ժամանակ չծախսել սեփական էջի առաջխաղացման ու հետևորդներ ներգրավելու համար: Նրանք պարզապես ձեռք են բերում արդեն հետևորդներ ունեցող պատրաստի էջեր:
- Նույնիսկ եթե որոշել եք էջը գնել, գործեք ուշադիր: Լինում են դեպքեր, երբ ձեռք են բերվում որևէ նորաձև կնոջ էջ, որպեսզի առաջխաղացնեն տնտեսական վերլուծության ծառայությունները:
- Կան SMM-շիկներ, որոնք զբաղվում են ոչ թե դասական առաջխաղացմամբ, այլ հատուկ ծրագրերով փորձում են ժամանակ շահել, պարզ ասած՝ աշխատանքը վստահում են բոտերին: Դա պարզ թվային մանիպուլյացիա է, որը շուտ թե ուշ պատժվում է սանկցիաների տեսքով:
- Եթե որոշել եք SMM առաջխաղացման դասընթացներ անցնել, ուշադիր ընտրեք մասնագետին կամ ընկերությունը: Պետք չէ վստահել այն մարդուն, ով ունի ավելի քիչ հետևորդներ, քան միջին վիճակագրական օգտատերը:
Լավ արդյունքի համար պարզապես էջ կամ շատ հետևորդներ ունենալը բավարար չէ, անհրաժեշտ է նաև հետաքրքիր կոնտենտ կայքում և սոցցանցերում:
Սոցցանցերում առաջ գնալու համար անհրաժեշտ է հետևել որոշ պայմանների.
- Առաջխաղացվող կայքը պետք է պարբերաբար թարմացվի հետաքրքիր նյութերով:
- Կայքում օգտագործեք սոցիալական պլագիններ: Հետաքրքիր նյութերով պետք է կիսվի ոչ միայն SMM մասնագետը, այլև ընթերցողը:
- Պետք չէ տարբեր սոցցանցերում հրապարակել նույն նյութը նույն տեքստով:
- Մի խաբեք ընթերցողին: Օրինակ, չի կարելի հետաքրքիր հրապարակման միջոցով գրավել ընթերցողին դեպի կայք, ուր բացարձակապես այլ հոդված է հրապարակված:
- Հաճախ կայքում հետաքրքիր նյութը մնում է առանց ուշադրության սոցցանցային ոչ հետաքրքիր հրապարակման պատճառով:
- Մի ձանձրացրեք ձեր ընթերցողներին: Պետք չէ նույն հրապարակումը տարածել շաբաթական մի քանի անգամ:
- Ձգտեք լինել օգտակար: Նոր տեղեկատվությունը, փորձի պատմությունը, խորհուրդները, դրականը. այս ամենը հնարավորություն են տալիս կապ ապահովել նոր հետևորդների հետ:
- Մի անտեսեք մարդկանց: Լավ արդյունքի համար անհրաժեշտ է մշտապես արձագանքել ընթերցողների մեկնաբանություններին և ապահովել սեփական էջի կարգուկանոնը:
