Թվային մարքեթինգ

Թվային մարքեթինգը ծառայությունների հսկա էկոհամակարգ է, որտեղ յուրաքանչյուր ուղղություն բիզնեսի առաջխաղացման ճանապարհին ունի իր դերը։ Այստեղ չկան կարևոր կամ անկարևոր ուղղություններ, կան տեղին և ժամանակավրեպ միջամտություններ։ Դրանք կարող են ինչպես ապահովել բիզնեսի կայուն աճը, այնպես էլ դառնալ անիմաստ ծախսերի պատճառ։

Ինտերնետ մարքեթինգի ծառայությունների անհրաժեշտության մասին երկար խոսելու փոխարեն նայենք թվերին։ 2024-2025թթ. տվյալներով Հայաստանում ինտերնետի (2.14 միլիոն) և սոցիալական մեդիայի (1.6 միլիոն) օգտատերերի թիվը շարունակում է աճել։ Արդյունքում, այս ուղղություններով 2025թ-ին գովազդային ծախսերը կհասնեն 90 միլիոն դոլարի, որից ավելի քան 28 միլիոնը կուղղվի վիդեո գովազդին՝ ընդգծելով թվային մարքեթինգի աճող դերը։

Ի՞նչ նպատակներով են կարատվում այս ծախսերը

1. Բրենդի ճանաչելիության բարձրացում
2. Կայքի կամ սոցիալական մեդիա հարթակում թրաֆիկի աճ
3. Ներգրավվածության բարձրացում
4. Լիդերի՝ պոտենցիալ հաճախորդների գեներացիա
5. Վաճառք կամ կոնվերսիայի ցանկացած տեսակ (զանգ, հաղորդագրություն, վաճառք)
6. Հաճախորդների սպասարկման բարելավում
7. Հաճախորդների գոհունակության բարձրացում և վերադարձ։

Թվային մարկետինգի տեսակները

• Թիրախային գովազդի գործիքները թույլ են տալիս գովազդը ցուցադրել օգտատերերի կոնկրետ խմբերի՝ հիմնված նրանց բնութագրերի, հետաքրքրությունների, վարքագծի կամ ժողովրդագրական տվյալների վրա։
• SEO-ն (որոնողական համակարգերի օպտիմալացում) ապահովում է բիզնեսի ներկայությունը Google, Yandex, Bing որոնողական համակարգերում։ Այն օրգանիկ է, այսինքն՝ առաջխաղացումը դեպի ԹՈՓ-10 իրականացվում է առանց գովազդի միջամտության՝ կայքի կոնտենտում բանալի բառի օգտագործման հմուտ աշխատանքի և մոտ 250 այլ գործողությունների շնորհիվ։
• Մինչ SEO առաջխաղացման պտուղները քաղելը Google Ads հարթակն օգնում է ներգրավել հետաքրքրված այցելուներին: Այստեղ կան մոտ տասնյակ օգտակար գործիքներ, Գուգլ որոնողական համակարգում PPC (Pay-Per-Click) մոդելով աշխատելու կամ հարթակի գործընկերների մոտ մեդիա գովազդ ցուցադրելու հնարավորությամբ։
• Yandex Direct-ը նախատեսված է Яндекс որոնողական համակարգում կամ գործընկեր հարթակներում մարկետինգային արշավների կազմակերպման համար։ Այս գործիքն անփոխարինելի է հատկապես ռուսալեզու լսարանի համար։
• Գրանցում տեղեկատուներում: Սա Հայաստանում թերագնահատված, բայց շատ կարևոր գործիք է, որը լայն տարածում ունի ԱՄՆ-ում, Կանադայում, Եվրոպական երկրներում, Ռուսաստանում, Ղազախստանում։ Անփոխարինելի է միջազգային շուկայում հետաքրքրություններ ունեցող տնտեսվարողների համար։
• Google Business-ը հրաշալի հարթակ է ձեր գործունեությունը լիարժեք և անվճար ներկայացնելու համար։ Այն արդյունավետ է լոկալ բիզնեսների և ծառայությունների համար, ապահովում է հասանելիություն Google քարտեզներում և որոնման արդյունքներում։
• Яндекс Справочник-ը տրամադրում է անվճար հարթակ և բազմաթիվ մարքեթինգային գործիքներ առաջխաղացման համար։ Ինտերգված է Яндекс Директ-ին, քարտեզին, որոնողական համակարգին։
• YouTube-ը Գուգլի թվային գործիքակազմի կարևոր մասն է։ Այստեղ հնարավոր է կիսվել տեսանյութերով, շորթերով, մեծացնել լսարանը գովազդի միջոցով։
• SMM-ը (Social Media Marketing) թվային մարքեթինգի ամենատարածված տեսակներից է։ Facebook, Instagram, LinkedIn, Telegram ալիք, TikTok՝ այս բոլոր ռեսուրսներն ի սկզբանե նախատեսվել են եղել մարդկանց շփման համար։ Մոնետիզացման բնական ձգտումը սոցցանցերին հաղորդել է անփոխարինելի նշանակություն որպես ինտերնետ գովազդի հարթակներ։
• Email-մարքեթինգ, երբ հարաբերությունները հաճախորդների հետ կառուցվում են էլեկտրոնային նամակների օգնությամբ։
• PR ծառայություններն օգնում են բարձրացնել բրենդի ճանաչելիությունը և վստահությունը։ Այս ուղղության պատասխանատվության գոտում են քարոզչության ռազմավարության կազմումը, լրատվամիջոցներ հետ կոմունիկացիան, սոցցանցերում սև PR-ի դեմ տարվող աշխատանքները և այլն։
• Աֆիլիեյթ և ինֆլուենսեր մարքեթինգի գործիքները և՛ նման են, և՛ տարբեր։ Աֆիլիեյթ մարքեթինգը կենտրոնանում է վաճառքի, զանգի կամ այլ տիպի կոնվերսիայի վրա, որտեղ գործընկերը ստանում է միջնորդավճար կատարված յուրաքանչյուր գործարքի համար։ Ինֆլուենսեր մարքեթինգը հիմնականում կենտրոնանում է բրենդի ճանաչելիության, տեսանելիության և հեղինակության բարձրացման վրա, որտեղ ինֆլուենսերները վճարվում են բովանդակություն ստեղծելու և այն իրենց լսարանի հետ կիսելու համար։

Իսկ եթե խոսենք դիջիթալ մարքեթինգի օֆլայն հնարավորությունների մասին, ապա պետք է առանձնացնենք.

• SMS մարքեթինգ՝ հաղորդագրությունների ուղարկում բջջային հեռախոսներին, մեսենջերներին։
• Արտաքին գովազդ (Digital Billboards/Signage), որը ցուցադրվում է թվային էկրանների վրա՝ հանրային վայրերում (օրինակ՝ առևտրի կենտրոններում, փողոցներում)։
• Թվային հեռուստատեսություն և ռադիոյի միջոցավ գովազդային հոլովակների տարածում։
• Բջջային հավելվածների մարքեթինգ (In-App Notifications): Ծանուցումներ և առաջարկներ, որոնք ուղարկվում են բջջային հավելվածների միջոցով։

Մարքեթինգային ծառայությունների փուլերը

Մարքեթինգային  ծառայությունների փուլերն իրենցից ներկայացնում են հաճախորդի փոխազդեցության տեսակների հաջորդականությունը բրենդի, ծառայության կամ կոմերցիոն առաջարկի հետ։

1. Իրազեկման (Awareness) փուլում պոտենցիալ հաճախորդը հնարավոր է անգամ չգիտի, որ ունի ձեր պրոդուկտի կարիքը։ Այստեղ ծնվում է հետաքրքրությունն առաջարկի նկատմամբ։
2. Դիտարկման (Consideration) էտապում լսարանին ուղղորդում եք իմանալ ավելին։ Օգտատերը հասկանում է առկա խնդիրները և լուծումներ փնտրում ձեր առաջարկի օգնությամբ։
3. Որոշում կամ կոնվերսիա (Decision): Օգտատերն արդեն պատրաստ է գնման և փնտրում է լավագույն առաջարկը։ Մեր նպատակն է դրդել ցանկալի գործողություն մեր էջում կամ կայքում՝ գնում, գրանցում, զանգ, նամակ և այլն։
4. Հավատարմության (Loyalty) փուլը համարվում է ամենաբարդը: Պատվեր կատարած հաճախորդներին պահելու, կրկնակի գնումների խրախուսելու համար ագրեսիվ գովազն արդեն ունի փոքր նշանակություն։ Այստեղ պահանջվում է որակ, լավ սպասարկում, հետաքրքիր պայմաններ, երջանկության զգացում։