Արագ SEO անալիզ, նկարների վրա տեքստի ճանաչում, հղումների ստուգում․․․ SEO օպտիմալացման և առաջխաղացման գործում բազմաթիվ գործողություններ և ստուգումներ այսօր կարելի է ավտոմատիզացնել Google Chrome բրաուզերի հավելվածների միջոցով։ Դրանք թույլ են տալիս արագ հայտնաբերել լիարժեք SEO օպտիմալացմանը խանգարող հանգամանքներն ու թերությունները, հետևաբար, արագացնել աշխատանքը և բարձրացնել որակը։
Գուգլի բրաուզերը հենց նրանով էլ հարմար և հայտնի է, քանի որ ունի բազմաթիվ օգտակար հավելվածներ։ Արդյունքում, Քրոմ բրաուզերն այսօր ամենատարածվածն է աշխարհում։
Ներկայացնենք մի քանի հավելված և ծրագիր, որոնք կհեշտացնեն ձեր աշխատանքը, եթե դուք զբաղվում եք կայքերի օպտիմալացմամբ կամ հետաքրքրվում եք այդ թեմայով։
Անվճար օգտակար հավելվածներ
Կայքի SEO ինֆորմացիան կարող եք դիտել Detailed SEO Extension հավելվածի միջոցով, որը տրամադրում է կայքէջերի ամբողջական SEO տվյալները։ Ցուցադրում է լրացված մետա-տեգերի ցանկը՝ Title, H1, H2… և այլն, զգուշացնում է, եթե մետաները լրացված են սխալ։
Web Developer հավելվածը ցուցադրում է էջի մասին ամբողջական ինֆորմացիա։ Հավելվածը տեղադրելուց հետո հայտնվում է վեբ-մաստերի գործիքների մենյուն, որը թույլ է տալիս ուսումնասիրել էջը։ Այստեղ գործիքները շատ են, օրինակ՝
- էջի նկարների չափերի ստուգում
- ալտ ատրիբուտների դիտում և այլն։
Wappalyzer հավելվածի միջոցով կարող եք ստուգել, թե ինչ լեզուներ և տեխնոլոգիաներ են օգտագործվել կայքի պատրաստման համար։
Lighthouse հավելվածը, որն արդեն Գուգլինն է և շուտով ամբողջությամբ կինտեգրվի Chrome բրաուզերին, SEO մասնագետների և կայքերի սեփականատերերի համար ամենաօգտակարներից մեկն է։ Ծրագիրը ամբողջությամբ վերլուծում է կայքի առաջխաղացմանը խանգարող սխալները, արագությունը, հարմարավետությունը։
Project Naptha հավելվածը թույլ է տալիս աշխատել նկարների վրայի տեքստերի հետ՝ պատճենել տեքստերը նկարների, PDF ֆայլերի, անիմացիաների, սկրինշոտերի վրայից:
SeoQuake հավելվածը նույնպես շատ հարմար գործիք է կայքերի աուդիտի և վերլուծության համար։ Ծրագիրը թույլ է տալիս դիտարկել սայթի ինդեքսավորման ցուցանիշները, թե քանի էջ է մասնակցում տարբեր որոնողական համակարգերի ցուցադրման արդյունքներում, քանի էջով են կիսվել սոցիալական ցանցերում, հետադարձ հղումների քանակը և այլ SEO ցուցանիշներ։
Հավելվածի հնարավորությունները՝
- Կայքի հիմնական SEO ցուցանիշների դիտում
- Էջերի մանրամասն (SERP) անալիզ
- Հնարավորություն ինքնուրույն կարգավորել որոնման պարամետրերը
- Կայքէջերի աուդիտ
- Ներքին և արտաքին հղումների հաշվետվություն
- Բանալի բառերի խտության ստուգում
- Այլ կայքերի հետ համեմատություն
- Սոցիալական ցանցերի վիճակագրություն
- Արդյունքների էքսպորտ CSV ֆայլով։
Իրականում SEO առաջխաղացման համար անվճար օգտակար հավելվածները հարյուրավոր են։ Այս ցանկի ընտրությունը կապված է մեր ընկերության փորձի հետ։ Իսկ եթե դուք չունեք ժամանակ սեփական կայքը ստուգելու համար, պատվիրեք կայքի աուդիտ և ստացեք ամբողջական ուսումնասիրության արդյունքները։
Մեծ բիզնեսը սկսում է փոքր ստարտափից։
Մի թող վաղվան այն, ինչը կարող ես պատվիրել այսօր:
Օգտակա՞ր էր այս հոդվածը