Տենդերների պորտալի պատրաստում
Տենդերների պորտալի պատրաստում Աստուդիո ընկերության նախագծով։ Ինտերնետ բիզնեսի այս պորտալը տարբեր ֆունկցիոնալ հնարավորություններով ու մոդուլներով ներդրել ենք մի քանի երկրում: Մրցույթային պորտալը հնարավորություն է տալիս որոնել կատարողներ և հաճախորդներ, ինչպես նաև համապատասխան գործիքներով զարգացնել բիզնեսը: Հնարավոր է ավելացնել տեղեկատվություն կազմակերպության մասին, ստեղծել ինֆորմացիոն էջեր, հավանական հաճախորդներից ընդունել մրցույթների առաջարկներ, պատրաստել մրցույթներ մասնավոր հատվածի համար և հնարավոր հաճախորդների հետ վարել նամակագրություն:
- Ստեղծվել է՝ 2020թ.
- Կատարման ժամկետը՝ 180 օր
- Կայքի տեսակը՝ բիզնես պորտալ
- Տեխնոլոգիաներ՝ HTML5, CSS3, Bootstrap, Laravel
Եկամտաբեր ստարտափի նախագիծ
Բիզնեսի սեփականատերերը կարող են գրանցվել և տեղադրել տեղեկություններ իրենց առաջարկների, ծառայությունների և առավելությունների մասին: Հնարավոր է կոնստրուկտորի օգնությամբ համակարգի ներսում ստեղծել կայք, անվճար տեղեկատվություն ներբեռնել կատալոգում կամ գնել վճարովի ծառայություններ և ստանալ արտոնություններ լիստինգում: Ծառայություններ գտնելու համար հաճախորդները գրանցվում են, ընտրում են ոլորտը և ծառայությունը, լրացնում են չափորոշիչների ցուցակը՝ մրցույթը սկսելու համար: Մրցույթի հայտը ստանում են միայն այն ընկերությունները, որոնք համապատասխանում են լրացված չափորոշիչներին:
Պորտալի բջջային տարբերակ
Սա Աստուդիո ընկերության նախագիծն է՝ որպես ստարտափ պատրաստելու և վաճառելու համար: Պորտալն աշխատում է լրիվ կամ մասնակի վաճառքի համար: Բջջային տարբերակը ստեղծվել է Bootstrap տեխնոլոգիայի միջոցով, բայց օգտատերերի հարմարավետության համար, պատրաստ ենք ստեղծել առանձին մոբայլ տարբերակ և հավելված:
Ստարտափերի ստեղծում
Պլանավորում եք ստարտափի ստեղծում ինտերնետ պորտալի կամ հավելվածի տեսքո՞վ։ Առաջին հերթին պետք է ընտրեք ապագա օնլայն բիզնեսի ուղղությունը։ Ի՞նչ եք առաջարկելու ապագա այցելուներին, ի՞նչ օգուտ եք տալու կամ ի՞նչ խնդիր եք լուծելու օգտագործողների համար։ Սրանք են հիմնական այն հարցերը, որոնց դուք պետք է պատասխանեք մինչև պորտալի կամ առևտրային հարթակի ստեղծումը։
Եթե արդեն կողմնորոշվել եք ստարտափի տեսակի և առաքելության հարցում, ժամանակն է ընտրել ծրագրավորման լեզուներն ու տեխնոլոգիաները, որոնցով պատրաստվելու է նախագիծը։ Ամենակարևորն այս պարագայում պատրաստի CMS-ներից խուսափելն է։
Աստուդիո ընկերությունն առաջարկում է կայքերի, պորտալների, ստարտափերի, հավելվածների ծրագրավորում տարբեր լեզուների և տեխնոլոգիաների կիրառմամբ։ Աշխատանքները սկսելուց առաջ կազմում ենք նախագծի տեխնիկական նկարագիրը, կառուցվածքի էսքիզները, էջերի մակետները, ինչի արդյունքում որոշվում է պրոյեկտի մոտավոր բյուջեն։ Ի՞նչու մոտավոր։ Քանի որ ստարտափերի պարագայում անհնար է մինչև վերջ պլանավորել աշխատանքների ընթացքը։ Մեծամասամբ, իրենք՝ պատվիրատուները ճանապարհի կեսին կատարում են փոփոխություններ և լրացումներ։ Արդյունքում, պորտալի վերջնական տարբերակը կարող է 180 աստիճանով տարբերվել սկզբում պլանավորածից։