Ժամանակին մենք հրապարակել ենք «Ինչպես վաստակել ռեֆերալ ծրագրերի միջոցով» հոդվածը՝ պատմելով, թե ինչպիսի գործիքներ են առաջարկում առևտրային հարթակները և պորտալները սեփական բիզնեսը զարգացնելու համար:
Ռեֆերալ ծրագիր ստեղծելու համար նախևառաջ անհրաժեշտ է ընտրել համագործակցության տեսակը, ուսումնասիրել շուկան, պոտենցիալ մասնակիցների շրջանակը, առաջարկել գրավիչ պայմաններ և ապահովել գործընթացի, փոխադարձ հաշվարկի ավտոմատացումը:
Նման ծրագրերի հաջողությունը կախված է մի քանի բաղադրիչներից՝ վստահություն տվյալ բիզնեսի նկատմամբ, վճարվող տոկոսների մեծությունը, գրավիչ գործիքների առկայությունը կայքում: Ինտերնետում կարելի է գտնել ցանցային մարքեթինգի ներդրման որոշ բազմաթիվ մեթոդներ, իսկ դրանց տեսակները կարելի է բաժանել հետևյալ խմբերի՝
- Ռեֆերալ համակարգեր,
- Ցանցային մարկետինգ,
- CPA մարկետինգ,
- ՄԼՄ ծրագրեր կամ բուրգեր:
Ռեֆերալ ծրագրեր հաճախորդների համար
Հաճախորդների համար ռեֆերալ ծրագրեր ներդրած բիզնեսի տեսակները Հայաստանում բազմաթիվ են և ակտիվ օգտագործվում են օֆլայն բիզնեսում։ Կոսմետիկա, բուժող միջոցներ և այլ ապրանքներ վաճառող ընկերությունների ցանցային մարկետինգի պլանները հիմնականում իրարից ոչնչով չեն տարբերվում և առաջարկում են դասական մեխանիզմ՝ գնում կատարելով մասնակցության իրավունքի ստացում, վաճառքի ապահովում, տոկոսների հաշվարկ, շատ վաճառքի ապահովում, բոնուսների ստացում։
Ժամանակակից աշխարհում օֆլայն այս գործընթացն աստիճանաբար տեղափոխվում է օնլայն տիրույթ։ Այսինքն, ավտոմատիզացվում է և առևտրի պրոցեսը, և հաշվարկային միխանիզմները և նոր հաճախորդներ հրավիրելու գործընթացը։
Ռեֆերալ ծրագրերը թույլ են տալիս գրանցվել կայքում, անցնել ստուգում ու հաստատում, ստանալ ունիկալ հղում ու տարածել այն: Օգտատերերը, որոնք անցնում են հղումով և գրանցվում այդ կայքում, ավտոմատ կերպով կցվում են հրավիրող ռեֆերալին: Արդյունքում, որևէ գնում կատարելու դեպքում համակարգը «ճանաչում» է ռեֆերալին և նա տոկոսներ է ստանում գնումների ընդհանուր արժեքից: Մասնակցությունը հիմնականում անվճար է, կան և վճարովի պայմաններ, երբ համակարգում մասնակցության համար անհրաժեշտ է տվյալ կայքի հաճախորդը դառնալ՝ կատարելով որևէ գնում:
Ռեֆերալ ծրագրերի հիմնական պայմաններն են՝
- Հղումով անցնելուց ու գրանցվելուց հետո հաճախորդի կապը ռեֆերալի հետ պետք է մշտական լինի:
- Գործընկերը պետք է հստակ իմանա՝ քանի տոկոս կարող է վաստակել և որոնք են նվազագույն պահանջները:
- Գործընկերն անձնական դաշտում պետք է տեսնի՝ ով է գրանցվել հղման միջոցով, որքան է կազմում վաստակած տոկոսը:
- Մասնակիցը պետք է տեղեկացված լինի վաստակած գումարի հնարավոր կորստի և այլ սահմանափակումների մասին:
MLM ծրագրեր գործակալների համար
Գործակալների համար ՄԼՄ կամ լոյալության ծրագրերը ստեղծվում են մարզային ներկայացուցիչների կամ վաճառքի մենեջերների համար: Կախված բիզնեսի տեսակից՝ ենթադրում է ապրանքների գնման նվազագույն քանակ կամ վաճառքի նվազագույն պլան: Գործակալների համար նախատեսված MLM ծրագրերի միջոցով ներկայացուցիչները ստանում են սեփական հաճախորդների գործողությունների նկատմամբ վերահսկողություն:
ՄԼՄ ծրագրերի ստեղծման բարդությունը և գինը ուղիղ կերպով կապված է տվյալ ընկերության մարկետինգ պլանի բարդությունից և ավտոմատիզացման աստիճանից։ Նախքան նման ծրագրեր ստեղծելը և բիզնեսի ավտոմատիզացումը, մենք վերլուծում ենք առաջադրված բոլոր խնդիրները, ավտոմատացման հնարավոր տարբերակները, պատվիրատուի ակնկալիքները, որից հետո հաճախորդի հետ վերջնական քննարկման համար ստեղծում ենք տեխնիկական առաջադրանք:
Մեծ բիզնեսը սկսում է փոքր ստարտափից։
Մի թող վաղվան այն, ինչը կարող ես պատվիրել այսօր:
Օգտակա՞ր էր այս հոդվածը