Կայքի SEO առաջխաղացում

Կայքի SEO առաջխաղացում

Դուք կվստահե՞ք ձեր կայքի SEO առաջխաղացումը մի ընկերության, որը չունի ոչ մի հաջողության օրինակ ու նույնիսկ սեփական կայքի համար բանալի բառերով չի կարողանում ԹՈՓ տեղեր ապահովել։ Ստուգման մեխանիզմներն իմանալու դեպքում, կարծում ենք՝ չեք վստահի։ Վեբ ստուդիան, որպեսզի ապացուցի իր աշխատանքի արդյունավետությունը որոնողական SEO առաջխաղացման գործում, առաջին հերթին սեփական ռեսուրսի համար պետք է բանալի բառերով ապահովի տեղեր ԹՈՓ 10-յակում։

Աստուդիո ընկերությունը կարողացել է իր astudio.am կայքի համար ոլորտի հիմնական բանալի բառերով և դրանց լատինատառ տարբերակներով որոնման դեպքում պատվավոր տեղեր ապահովել Google-ի վեբ և մոբայլ տարբերակների ԹՈՓ 10-յակում։ Գլուխ չենք գովում, փաստն ենք արձանագրում՝ չնայած յուրաքանչյուր որոնման դեպքում փաստացի տեղը թոփ 10-ի շրջանակում կարող է տատանվել, բայց ամենամրցակցային բանալի բառերով ոչ միայն տասնյակում ենք այլև 1-3 տեղերում։

Yandex որոնողական ահամակարգում նույնպես դիրքերը հիմնականում թոփ 10-ում են։ Քանի որ Հայաստանում Յանդեքսով որոնումները 4-5 անգամ պակաս են Գուգլի ցուցանիշներից, այս որոնողական համակարգի պահանջները մի քիչ աչքաթող ենք արել։

Նույն գերազանց արդյունքներն ապահովել ենք ղազախական շուկայում գործող մեր ընկերության կայքի և մեր այլ գործընկերների համար, ովքեր արդեն փաստացի համոզվել են` ոչ մեծ ներդրումներ կատարելով SEO առաջխաղացման աշխատանքներում, կարելի է ստանալ հետաքրքրված այցելուների մեծ հոսք։

Մինչ նման արդյունքների հասնելը պետք է ձեռնարկել մի շարք միջոցառումներ՝

  1. Ցանկալի է կայքը ծրագրավերել «մաքուր» կոդերով
  2. Ստեղծումից հետո էջերում օգտագործել միայն ունիկալ կոնտենտ
  3. Իրականցնել աուդիտ և ներքին օպտիմալացում
  4. Պլանավորել սեմանտիկ միջուկի կառուցվածքը
  5. Կատարել տեքստերի վերլուծություն և օպտիմալացում
  6. Իրականացնել ատրաքին օպտիմալացում։

Կայքերի օպտիմալացում

Կայքերի օպտիմալացումը ռեսուրսների տեխնիկական բարելավումն է որոնողական ալգորիթմների վստահության և բանալի բառերով դիրքերի բարելավման համար: SEO-ն (Search Engine Optimization) կարևոր դեր ունի բանալի բառերով առաջխաղացման գործընթացում: Google-ի և Yandex-ի ալգորիթմների խոշոր փոփոխություններից հետո որոնողական համակարգերը մեծ ուշադրություն են դարձնում ներքին տեխնիկական ցուցանիշներին՝

  1. Կիրառելիություն (usability),
  2. Տեքստերի որակ և ունիկալություն,
  3. Էջում այցելությունների տևողություն,
  4. Էջերի լինկերի ճիշտ տեղադրում,
  5. Մետա-թեգերի պատշաճ կիրառում:

Նախքան ռեսուրսը այցելուների հարմարավետությանն ու որոնողական համակարգերի պահանջներին համապատասխանեցնելը՝ անհրաժեշտ է կատարել համալիր աուդիտ: Կայքի տեխնիկական աուդիտը ներառում է HTML, CSS կոդերի ստուգում, էջերի բեռնման արագություն, ադապտացում տարբեր բրաուզերներին ու էկրանի չափերին, robots.txt, sitemap.xml ֆայլերի առկայություն:

  • HTML և CSS կոդի օպտիմալացումը կայքի որակի գնահատման գործոնում այդքան էլ մեծ դեր չի խաղում, բայց ընդունված է համարել, որ վալիդ կոդը ցույց է տալիս ծրագրավման որակն ընդհանրապես:
  • Էջերի բեռնման արագությունը նախևառաջ ազդում է այցելուի որոշման վրա՝ մնալ ձեր կայքում, թե անցում կատարել մրցակիցների մոտ: Որակի գնահատման դեպքում տվյալ գործոնը ոչ պակաս կարևոր դերակատարում ունի:
  • HTML-ի ադապտացիան կամ բջջային տարբերակի առկայությունը որոնողական համակարգերի հետ աշխատանքի կարևորագույն գործոններից է: Բջջային կապի օգտատերերի քանակի կտրուկ աճը ստիպեց որոնողական համակարգերի հսկաներին փոխել ալգորիթմները հօգուտ այն կայքերի, որոնք ունեն բջջային տարբերակներ:
  • Sitemap-ը նախատեսված է անհրաժեշտ էջերի ամբողջական ինդեքսացիայի համար: Փաստացի որոնողական համակարգերն այնքան «կպչուն» են, որ տվյալ ֆայլի առկայությունը կամ բացակայությունը մեծ դեր չի կատարում:

Սեմանտիկ միջուկ և կոնտենտ

Ունիկալ կոնտենտը սայթի ինդեքսավորման ժամանակ ամենակարևոր գործոնն է: Տվյալ պահին գրագետ կազմված տեքստը կարող է ավելին անել, քան գնված հղումները: Տեքստերի ունիկալությունը կարևոր, բայց ոչ բավարար պայման է բանալի բառերով առաջխաղացման համար: Նախքան կոնտենտ ստեղծելն ու կայքը ձևավորելը՝ անհրաժեշտ է հասկանալ էջերի կառուցվածքը, կոնտենտի տեղաբաշխումը, կապը էջերի միջև։ Դրա համար անհրաժեշտ է կազմել սեմանտիկ միջուկը, յուրաքանչյուր էջի համար առանձնացնել համապատասխան բանալի բառերը:

Երկրորդ քայլը տեքստերի խմբագրումն է SEO պահանջներին համապատասխան: Յուրաքանչյուր էջ պետք է պատախանի մեկ բարձր կամ միջին հաճախականությամբ և 1-2 ցածր հաճախականությամբ բանալի բառերով հարցումների: Կան տասնյակ պայմաններ՝ տեքստերի մեջ որտեղ պետք է կիրառել բանալի բառերը, ինչ քանակությամբ դրանք պետք է կրկնվեն: Շատ կարևոր գործոն է բանալի բառերի ճիշտ կիրառումը title, description մետա-թեգերում, h1-h2 գլխագրերում:

Բլոգ

1284
Օգտակա՞ր էր այս հոդվածը