Որոնողական առաջխաղացում Google-ում

Կայքի SEO օպտիմալացումը ռեսուրսի կոդի, էջերի, արագագործության տեխնիկական բարելավումն է որոնողական ալգորիթմների վստահությունը շահելու և բանալի բառերով դիրքերի բարելավման համար: 

SEO (Search Engine Optimization) օպտիմալացումը կարևոր դեր ունի բանալի բառերով որոնողական առաջխաղացման գործընթացում: Google-ի և Yandex-ի ալգորիթմների շարունակական փոփոխություններից արդյունքում որոնողական համակարգերը մեծ ուշադրություն են դարձնում ներքին տեխնիկական ցուցանիշներին՝

• Կիրառելիություն (usability), կայքի հարմարավետություն;
• Արագագործության անընդհատ բարելավումներ;
• Մոբայլ տարբերակի բարելավումներ;
• Տեքստերի որակ, ծավալ և ունիկալություն;
• Այցելությունների քանակ և տևողություն հարաբերակցություն;
• Էջերի ներքին հղումների ճիշտ և պատճառաբանված տեղադրում;
• Մետա-թեգերի պատշաճ կիրառում և սինքրոնացում տեքստերի հետ:

Նախքան ռեսուրսն այցելուների հարմարավետությանն ու որոնողական համակարգերի պահանջներին համապատասխանեցնելը՝ անհրաժեշտ է կատարել համալիր աուդիտ: 

Կայքի տեխնիկական աուդիտը ներառում է HTML, CSS, JS կոդերի ստուգում, էջերի բեռնման արագության խնդիրների վերհանում, ադապտացում տարբեր բրաուզերներին ու էկրանի չափերին:

• HTML և CSS կոդի կառուցվածքը կայքի որակի գնահատման պրոցեսում այդքան էլ մեծ դեր չի խաղում։ Ընդունված է, որ ճշգրիտ կառուցվածքով կոդը ցույց է տալիս ծրագրավորման գրագիտությունն ընդհանրապես: Սակայն կոդի մեծ ծավալները կարող են հսկայական ազդեցություն գործել արագագործության վրա։
• Էջերի բեռնման արագության գործոնն ազդում է այցելուի որոշման վրա՝ մնալ ձեր կայքում, թե անցում կատարել մրցակիցների մոտ: Որակի գնահատման դեպքում տվյալ գործոնը վճռորոշ դերակատարում ունի:
• HTML-ի ադապտացիան կամ բջջային տարբերակի առկայությունը նույնպես որոնողական համակարգերի հետ աշխատանքի կարևորագույն գործոններից է: Բջջային կապի օգտատերերի քանակի կտրուկ աճը ստիպեց որոնողական համակարգերի հսկաներին փոխել ալգորիթմները հօգուտ այն կայքերի, որոնք ունեն լիարժեք մոբայլ տարբերակներ:

Ունիկալ կոնտենտը սայթի ինդեքսավորման ժամանակ ամենակարևոր գործոնն է: Գրագետ կազմված SEO տեքստը կարող է ավելի լավ արդյունք ապահովել, քան իդեալական օպտիմալացված կոդը: 

Նախքան նման կոնտենտ ստեղծելը և սայթում տեղադրելը՝ անհրաժեշտ է հասկանալ էջերի կառուցվածքը, տեքստերի և նկարների տեղաբաշխումը, հղումներով կապը էջերի միջև։ 

Դրա համար աշխատանքներից առաջ կազմում ենք բանալի բառերի սեմանտիկ միջուկը՝ յուրաքանչյուր էջի համար առանձնացնելով համապատասխան բանալի բառերը: 

Յուրաքանչյուր էջ պետք է պատախանի մեկ բարձր կամ միջին հաճախականությամբ և 1-2 ցածր հաճախականությամբ բանալի բառերով հարցումների: 

Երկրորդ քայլը տեքստերի խմբագրումն է և սինքրոնացումը SEO ատրիբուտների, մետա թեգերի հետ: Այս մասում կան տասնյակ պայմաններ, որոնք հիմնականում բխում են մասնագետների փորձից։

Չկա որևէ փաստաթղթավորում, թե լավ արդյունքի համար բանալի բառը տեքստի կամ մետա թայթլի որ հատվածում է պետք տեղադրել։ Նման հարցերի պատասխանները SEO մասնագետները գտնում են փորձարկումների արդյունքում։

Ըստ Google-ի և Yandex-ի պաշտոնական հրապարակումների, հետադարձ հղումները պետք է լինեն բնական, դրանց գնումն արգելվում է։ Ալգորիթմի ներդրման սկզբնական շրջանում որոշ խոշոր խաղացողներ սկսեցին անորակ հետարաձ հղումներ գնելով մրցակիցների դոմենների համար, բացասաբար ազդել դրանց դիրքերի վրա։ 

Նման անարդար դեպքերը արագ ուղղվեցին և բարելավումների արդյունքում ալգորիթմները հիմա հիմնականում ուղղակի անտեսում են անորակ հղումները։

Բնական հետադարձ հղումներ ստանալու հարցը ներկայում հեշտացել է։ Այսօր ցանցում գործում են հազարավոր տեղեկատու պորտալներ, հոդվածքների հրապարակման համար պիտանի ինֆորմացիոն կայքեր, տասնյակ սոցիալական ցանցեր, որոնք հնարավորություն են տալիս բիզնեսի մասին ինֆորմացիա տարածելուն զուգահեռ ստանալ որակյալ հետադարձ հղումներ։ 

Օրինակ, տվյալ հոդվածը տեղադրելով Google Business համակարգի նորություններ բաժնում, կամ GoodFirms պորտալի մեր էջում, մենք ոչ միայն կգովազդենք SEO ծառայությունների ուղղությամբ մեր հնարավորությունները, այլև կստանանք որակյալ հետադարձ հղում և էջի արագ ինդեքսավորում` որոնողական առաջխաղացման (voronoxakan arajxaxacum) դրական արդյունքների համար։

Հոդվածը գրվել է 2020 թվականին և թարմացվել 2024-ի սեպտեմբերին։