ROI ինդեքսը ինտերնետ գովազդում

ROI ինդեքսը ինտերնետ գովազդում

ROI ինդեքսը ինտերնետ գովազդում ցույց է տալիս գովազդային արշավներում կատարված ներդրումների եկամտաբերությունը։ Յուրաքանչյուր գովազդային հարթակում նախաձեռնած արշավի ROI (return on investment) ցուցանիշի հաշվարկն է միայն թվերով ապացուցում կամ հերքում ծախսած գումարի վերադարձելիությունը։

Ինտերնետ գովազդի վրա կատարված ծախսերի եկամտաբերությունը հաշվարկվում է պարզ ալգորիթմի միջոցով։ Ալգորիթմի հիմքում է դրվում բիզնեսի համար կարևոր 3 ֆունդամենտալ ցուցանիշ։

  1. Գովազդվող ապրանքի կամ ծառայության ինքնարժեքը
  2. Վաճառքից ստացվող եկամուտը (ապրանքի/ծառայության գինը)
  3. Գովազդային բյուջեն

ROI-ին ցույց է տալիս գովազդի եկամտաբերության տոկոսը, որի շնորհիվ էլ հաշվարկվում է ներդրումների վերադարձի ցուցանիշը, որը ներդրողի համար ամենակարևոր գործակիցն է։ ՌՕԻ ցուցանիշի 100%-ից բարձրի պարագայում ներդրումը համարվում է եկամտաբեր, ցանկացած այլ՝ ավելի ցածր արժեք ցույց է տալիս, որ ներդրումը չի արդարացնում իրեն։ Հաշվարկի համար ապրանքի կամ ծառայության գնից հանում ենք ինքնարժեքը, ստացված թիվը բաժանում ենք գովազդային բյուջեի թվի վրա, արդյունքը բազմապատկում ենք 100 տոկոսով։

ROI = վաճառքի գին – ինքնարժեք / գովազդային բյուջե X100%

Եկամտաբերության հաշվարկների համար այս ալգորիթմը մաքսիմալ պարզ է, սակայն այն չի նախատեսում հետվերադարձի հաշվարկը սահմանափակ ժամկետի կամ մարկետինգային ծախսերի համար։ ROMI (return on marketing investment) ցուցանիշի հաշվարկի համար պետք է կիրառել հետևյալ ալգորիթմը՝

ROMI ցուցանիշը = (ժամկետի ընթացքում ծախսած գովազդային բյուջե + վաճառքի ընդհանուր գումարը – ընդհանուր ինքնարժեքը) / մարկետինգի բյուջե

Որպես օրինակ վերցնենք վեբ ծառայություններից լենդինգի պատրաստումը։ Ենթադրենք, վեբ-ստուդիան առաջարկում է լենդինգի պատրաստում, սկսում է գովազդային արշավ հետևյալ ցուցանիշներով՝

  • Լենդիգնի ստեղծման ինքնարժեքը 200$
  • Լենդինգի վաճառքի գինը 400$
  • Գովազդի ծախսը՝ 200$
  • Նվազագույն պատվերները՝ 2

ROI=(400-200)*2/200*100%=200%

Այս ցուցանիշների ապահովման պայմաններում ապահովվում է կրկնակի եկամտաբերությունը։ Այսինքն, սահմանափակ ժամանակատվածում որքան շատ պատվեր ստանա վեբ ընկերությունը, այնքան կբարձրանա ՌՕԻ ցուցանիշը։

Զեղչերի եկամտաբերությունը

Կարծիք կա, որ եթե համատեղվի մեծ զեղչերը, ագրեսիվ ինտերնետային գովազդը, վաճառքը կտրուկ կաճի, իսկ եկամուտը կապահովվի վաճառվող ծառայության/ապրանքի քանակի հաշվին։ Ոչ ոք չի ժխտում, որ զեղչերը, ակցիաները, դեմպինգը խթանում են վաճառքը։ Սակայն, եթե մենք նկատի չունենք «ձևական» զեղչերը, երբ հին գինն է շատ բարձր հշվում, միշտ է արդյո՞ք այդ քաղաքականությունը եկամտաբեր։

Որպես օրինակ վերցնենք նույն լենդինգի պատրաստման ծառայությունը։ Ենթադրենք Աստուդիո ընկերությունն առաջարկում է 40% զեղչ կայքի պատրաստման համար, ինքնարժեքն ու վաճառքի գինը մնում են նույնը, իսկ քանակը կրկնապատկվում է զեղչի շնորհիվ։

ROI=(240-200)*4/200*100%=80%

Հաշվարկի արդյունքում պատզվում է, որ նույնիսկ վաճառքի կրկնապատկման դեպքում զեղչի արդյունքը բացասական է։ Ներդրումների վերլուծությունը, փորձը ցույց են տալիս, որ չհիմնավորված զեղչերն ազդում են նաև աշխատանքի որակը վրա։ Եթե ընկերությունն ունի սահմանափակ աշխատուժ, իսկ պատվերների քանակը կրկնապատկվում է, վնասով չաշխատելու համար միակ տարբերակը կրկնակի արագ աշխատելն է, ինչը վերջնարդյունքում ազդում է որակի վրա։

Ֆինանսական ճգնաժամերի դեմ պայքարի ընթացքում կիրառվող չմտածված զեղչերի կամ դեմպինգի հետևանքով ընկերությունը կարճաժամկետ կտրվածքով ստանում է շրջանառու միջոցներ, սպառում է աշխատակազմի ուժերը, որակի պատճառով վաստակում է խնդիրներ պատվիրատուների հետ, ինչի հետևանքով էլ ավելի շատ ժամանակ է ծախսում դրանք հարթելու համար և վերջում մնում է առանց մաքուր եկամտի։

Բլոգ

869
Օգտակա՞ր էր այս հոդվածը