Օնլայն աուկցիոնի պատրաստում

Պատմության մեջ հայտնի առաջին աուկցիոնները եղել են հարսնացուների հրապարակային աճուրդները Բաբելոնում։ Հին Հռոմում այս եղանակով վաճառել են ճորտերին և ռազմական գույք։ Միջին դարերում եվրապացիներն աճուրդներով մեծամասամբ վաճառել են անշարժ գույք։ 19-րդ դարում հայտնվեցին առաջին աճուրդային տները, իսկ 20-րդ դարում՝ առաջին օնլայն հարթակները, որոնք առևտրի այս ձևը հասանելի դարձրեցին ամբողջ աշխարհի համար։

2024 թվականին ինտերնետ-աուկցիոնների համաշխարհային շրջանառությունը կազմել է ավելի քանի 35 միլիարդ դոլար։ Շուկան տարեկան աճում է մոտ 5 տոկոսով։ 

Աուկցիոնների օնլայն գործունեությունը զարգանում է տնտեսության բազմաթիվ ճյուղերում։ Այս եղանակով իրացվում են հնաոճ իրեր, արվեստի գործեր, մեքենաներ, հազվագյուտ թանկարժեք քարեր, ադամանդներ, անշարժ գույք և նույնիսկ՝ թվային NFT թոքեններ։ 

Աստուդիո ընկերությունն առաջարկում է օնլայն աուկցիոնի պատրաստում, առանց պատրաստի ծրագրերի կամ շաբլոնների օգտագործման, նվազագույնը 5 տարվա տեխնիկական երաշխիքով։ Մեր թիմը զրոյից ստեղծել է կամ մասնակցել է ինտերնետ աուկցիոնների ծրագրավորման որևէ փուլի հետևյալ ուղղություններով՝

1. Գյուղատնտեսական ապրանքների նախավաճառք
2. Ադամանդների վաճաք՝ դասական և հոլանդական եղանակներով
3. Մեքենաների դասական աճուրդ՝ ժամանակի սահմանափակումով
4. Ապրանքահումքային բորսայի փակ ռեսուրս
5. Նկարների և հնաոճ իրերի առևտրային հարթակ
6. Բանկային համակարգի համար բազմապիսի մոդուլներ
7. B2B տենդերների պորտալ՝ reverse auction ֆունկցիոնալով։ 

Ինչպե՞ս են աշխատում ինտերնետ աուկցիոնները

Աճուրդային էլեկտրոնային հարթակները լինում են երեք հիմնական տեսակի և ունեն բազմաթիվ ենթատեսակներ՝

• Դասական (կամ Անգլիական) աճուրդը գերակշռողն է։ Ամենահայտնի օրինակը eBay հարթակն է։ Այս դեպքում առկա է ժամանակի սահմանափակում։ Հաղթում է մինչև ժամկետի ավարտը վերջին ամենաբարձր գին առաջարկած մասնակիցը։ Այս տիպը կարող է ունենալ նախավաճառքի փուլ, իսկ բուն աճուրդը՝ տևել մի քանի րոպե (օրինակ՝ մեքենաների հայտնի հարթակների դեպքում)։
• Հոլանդական աճուրդը յուրաքանիչյուր քայլում ենթադրում է գնի իջեցում։ Քայլը կարող է կրկնվել և հստակ գնիջեցման չափով, և տատանվող տոկոսով։ Հաղթում է այն մասնակիցը, ով առաջինն է համաձայնում գնումը կատարել ընթացիկ քայլում։ Առևտրի այս տեսակը հաջողությամբ աշխատում է գյուղատնտեսական մթերքի վաճառքի ոլորտում, հատկապես՝ արագ փչացող մթերքի կամ տեսականու պարագայում։
• Հակառակ աուկցիոն (reverse auction) կամ տենդեր։ Գնորդը հայտարարում է ապրանքի կամ ծառայությունը գնելու ցանկության մասին, իսկ վաճառողները մրցակցում են՝ առաջարկելով ամենացածր գները։ Նման հարթակները հիմնականում աշխատում են պետական գնումների և B2B տենդերների ուղղությամբ։
• Սկանդինավյան (penny-auction, bidding fee auction) տեսակի դեպքում մասնակիցը վճարում է յուրաքանչյուր խաղադրույքի համար։ Ամեն խաղադրույք էլ ապրանքի գինը մի փոքր բարձրացնում է։ Քանի որ նման աճուրդներում ի սկզբանե ապրանքները վաճառվում են շաուկայականից էժան, աճուրդի կազմակրեպիչը եկամուտը ստանում է լոտերի մասնակիցների վճարներից։

Ինտերնետի և ծրագրավորման լայն հնարավորությունները թույլ են տալիս յուրաքանչյուր տեսակում և սցենարում ավելացնել նոր, գրավիչ մարքեթինգային գործիքներ, ֆունկցիաներ և խաղարկային տարրեր։ Ամեն ինչ կախված է բիզնեսի մոդելից, կատարվող ներդրման չափից և անձնակազմի երևակայությունից։

Դիմեք Աստուդիո ընկերության թիմին, ստացեք պրոֆեսիոնալ խորհրդատվություն և հիմնավորված գնառաջարկ։