Ի՞նչ անել մինչ օնլայն խանութ ստեղծելը

1. Ապահովեք հաճախորդների լավ սպասարկումը։ Վստահությունը սկսվում է լավ սպասարկման տրամադրումից: Անկախ նրանից, թե որքան մեծ կամ փոքր է բիզնեսը, վստահության ամրապնդման համար որակյալ ծառայությունը պետք է օնլայն բիզնեսի հիմնական ռազմավարությունը դառնա: Անհատական մոտեցումը, սպասարկման օպերատիվությունը և որակյալ ծառայության տրամադրումը լրացուցիչ գումար ու ժամանակ է պահանջում, բայց այն դրական արձագանքներ կառաջացնի, կապահովի հավելյալ եկամուտով: Մարդիկ վստահություն կդրսևորեն օնլայն խանութի որակի հանդեպ և կվերադառնան նոր գնումների համար:
2. Եղեք թափանցիկ։ Ձեր հաճախորդները շատ խելացի են: Նրանք հիանալի հասկանում են՝ երբ եք ճիշտ ասում ու երբ եք փորձում ինչ-որ բան թաքցնել: Եթե դուք ընդունեք ձեր սխալը, նրանք կհասկանան ձեզ ու կգնահատեն: Այցելուների հետ պահմտոցի մի խաղացեք, մի թաքցրեք ձեր սխալները, բացատրեք պատվիրատուին՝ ինչպես եք պատրաստվում առկա խնդիրները լուծել: Բայց և հաշվի առեք, որ նմանատիպ սխալները չպետք է կրկնվեն:
3. Պահեք ձեր խոսքը։ Միշտ արեք այն, ինչ խոստացել եք: Փորձեք հավատարիմ մնալ ձեր խոստմանը: Ճիշտ ժամանակին ճիշտ ծառայության տրամադրումը կօգնի վստահության և հուսալիության զգացողություն ստեղծել: Միշտ սահմանեք իրական նպատակներ, կեղծ խոստումներ մի տվեք:
4. Եղեք հեշտ հասանելի։ Կոնտակտային տվյալները պտեք է միշտ լավ երևան օնլայն խանութում: Տրամադրեք կապի առավելագույն աղբյուրներ, որոնց օգնությամբ գնորդները կարող եք հաղորդել այս կամ այն խնդրի մասին: Աջակցության հիանալի միջոցներից մեկը չատի (Chat widget) տեղադրում է: Oնլայն խանութի այցելուները կարող են հեշտորեն գտնել չատի պատուհանը, ուղղակի շփման մեջ լինել օպերատորի հետ:
5. Հաճախորդների արձագանքի դիտում։ Վիճակագրությունը ցույց է տալիս, որ հաճախորդների 61%-ը, նախքան գնման մասին որոշում կայացնելը, կարդում է արձագանքները: Այդ պատճառով արձագանքները շատ կարևոր են էլեկտրոնային կոմերցիայի հարթակների համար: Ակտիվորեն փնտրեք գոհ հաճախորդների արձագանքները, ցույց տվեք դրան ձեր կայքում, մի խուսափեք քննադատությունից: Հրապարակային պատասխանեք բոլոր սուր հարցերին: Հաճախորդների բավարարվածության մասին արձագանքները մեծ դերակատարում ունեն վստահության ամրապնդման և վաճառքի ծավալի մեծացման գործում:
6. Կենտրոնացեք որակի վրա։ Կազմակերպությունների մի մասը անընդհատ մտածում է այն մասին, թե ինչպիսի խոշոր զեղչ կարելի է անել այդ օրը, որպեսզի ընկերությունն ապահովվի շրջանառու միջոցներով: Դրա փոխարեն ձեր էներգիան ծախսեք արտադրանքի կամ մատուցվող ծառայության որակի ապահովման վրա: Եթե որակը չի բավարարում գնորդին, երկարաժամկետ պլանում ոչ մի դեմպինգ չի փրկի բիզնեսը: Դուք անհաջողության կմատնվեք, իսկ հաճախորդը կգտնի այլընտրանք:
7. Օգտագործեք սոցիալական ցանցերը։ Օնլայն գնումների մասին որոշումների 80%-ը իրականացվում է սոցցանցերից ընկերների ազդեցությամբ: Իսկ դրական կարծիքը ծնվում է սոցիալական ցանցում ձեր օնլայն խանութի ակտիվության արդյունքում։

Եթե ցանկանում եք, որպեսզի պոտենցիալ հաճախորդները սկսեն վստահել ձեր առցանց խանութին, դուք պետք է փոխգործակցության մեջ լինեք նրանց հետ: Փոխգործակցությունը միշտ չէ, որ ենթադրում է ագրեսիվ գովազդներ, մեքենաների կեղծ խաղարկություններ կամ 99%-անոց զեղչեր: Տվեք այն, ինչ անհրաժեշտ է սոցցանցերի բոլոր օգտատերերին՝ հետաքրքիր տեղեկատվություն, խնդիրների լուծում, դրական էմոցիաներ, և ընթերցողներն իրենք կսկսեն գովազդել ձեզ առանց գիտակցելու: