Ինչի՞ց սկսել կայքի առաջխաղացումը

Մեր սեփական վիճակագրության համաձայն՝ Հայաստանում նորաստեղծ կայքերի 90%-ի սեփականատերերը որևէ բյուջե չեն տրամադրում կայքերի գովազդմանը և առաջխաղացմանը։ Դրա հետևանքով, նոր կայքը չի ստանում տրաֆիկ, հետաքրքրված այցելուներ, զանգեր և չի հանգեցնում վաճառքների ավելացմանը։ Որևէ հետաքրքիր նախագիծ չի կարող ապահովել բիզնեսի զարգացում և վաճառքների ավելացում, եթե չունենա այցելուներ։ Այցելուներ ստանալու համար դուք պետք է ներդնեք ջանքեր, ժամանակ և գումար։ Միայն հետաքրքրված այցելուներ ունենալով կայքը կարող է ապահովել ցանկալի արդյունք։ 

Այստեղ խոսքը միայն գումար ծախսելու մասին չէ։ Սկզբնական շրջանում դուք կարող եք չունենալ գովազդային բյուջե, սակայն ստանալ հայտնիություն սեփական աշխատանքով՝ օգտագործելով սոցիալական ցանցերի և այլ հարթակների հնարավորությունները, դրանց միջոցով տարածելով օգտակար կոնտենտ, ինչը հանգեցնում է ճանաչելիության բարձրացմանը։

Ի՞նչ հնարավորություններ են տալիս սոցիալական ցանցերը

Գնողունակ բնակաչության մի ստվար հատված ամենօրյա ռեժիմով օգտվում է տարաբնույթ սոցիալական ցանցերից: Հայաստանում առավել տարածցած են Facebook, Instagram, X (նախկին Twitter), LinkedIn, TikTok, Pinterest, Ok.ru, VK հարթակները։ Բիզնեսի, բրենդի, կոնտենտ արտադրող անհատների առաջխաղացման առումով բոլորին միավորում է մեկ սկզբունք՝ այցելուներին մատուցեք հետաքրքրող, ուշադրություն գրավող, օգտակար կոնտենտ և կստանաք մոնետիզացիայի (փող վաստակելու) հնարավորություն։

1. Գրանցվելուց միշտ լրացրեք ճշգրիտ տվյալներ;
2. Նախապես պատրաստեք մեդիա ֆայլեր, դիզայնների շաբլոններ;
3. Մտածեք հետաքրքիր թեմաներ;
4. Կազմեք կոնտենտ պլան, ցանկալի է ամսական կտրվածքով;
5. Տեքստերը և նյութերը կազմեք գրագետ, էմոջիները օգտագործեք մինիմալ;
6. Հրապարակեք գները․ դրանց բացակայությունը նյարդայնացնող է;
7. Միշտ արձագանքեք մեկնաբանություններին և նամակներին;
8. Մի վախեցեք փորձարկումներից, a/b թեստավորումը միշտ տալիս է լավ արդյունք;
9. Մի վստահեք ավտոմատիզացված առաջխաղացման ծրագրերին;
10. Զգուշորեն օգտվեք արհեստական բանականության գործիքներից, սոց ցանցերը «ճանաչում են» ai կողմից ստեղծված կոնտենտը։

Կոմերցիոն սեգմենտի առաջխաղացման համար յուրաքանչյուր առանձին սոցցանց առաջարկում է սեփական գործիքակազմը, որոնց մասին մանրամասն պատմելու համար տասնյակ հոդվածները չեն բավարարի։ Եթե որոշել եք ինքնուրույն սկսել կայքի առաջխաղացումը, պարտադիր ծանոթացեք պաշտոնական ուղեցույցներին և տեսական գիտելիքները ամրապնդեք գործնական քայլերով։ 

Վիդեո կոնտենտի հնարավորությունները

21-րդ դարում մարդիկ տեքստային կոնտենտի փոխարեն նախընտրում են վիդեո նյութերը։ Դրա լավագուն ապացույցն է ՏիկՏոկի և այլ վիդեո սերվիսների թռիչքային հաջողությունը։ Տարատեսակ ռիլսերը, սթորիները, հոլովակները հեղեղված են կոմերցիոն, գովազդային նյութերով, որոնցից առանձնանում են միայն օրիգինալ մտահաղացումները։ Այսինքն, այս մասով օգտակարության հետ պետք է ապահովեք օրիգինալություն։

• Հնարավորության դեպքում ինքներդ ներակայցրեք ձեր բրենդը, ծառայությունը կամ ապրանքը;
• Եղեք հակիրճ, գրագետ, թելադրեք որակ;
• Լավագույն որակի համար օգտագործեք տասնյակ մոնտաժային ծրագրերից որևէ մեկը;
• Պահպանեք նյութերի հրապարակման պարբերականությունը;
• Պահպանեք ուղեկցող աուդիո նյութերի հեղինակային իրավունքները։

Google Business հարթակը հնարավորություն է տալիս անվճար ստեղծել ընկերության պրոֆիլ, որն ավտոմատ կերպով ինտեգրվում է քարտեզին, որոնման համակարգին և Գուգլի այլ սերվիսներին։ Բիզնեսի առաջխաղացման համար ստեղծված այս գործիքակազմի նշանակությունը Հայաստանում դեռևս թերագնահատվում է։ Սակայն, եթե դուք ժամանակին սկսեք զբաղվել այս ուղղությամբ և լինեք ակտիվ, արդյունքները երկար սպասեցնել չեն տա։ Հատկապես, մեր տարածաշրջանում Google Merchant Center գործիքի լիարժեք տարածումից հետո կհայտնվեք մի քանի քայլ առաջ ձեր մրցակիցներից։

• Հարթակը հնարավորություն է տալիս լրացնել կազմակերպության հասցեն, կոնտակնտները, նկարագրությունը։
• Ինֆորմացիան ինտեգրվում է քարտեզին և որոնման համակարգին։ Հատկապես օգտակար է, երբ մոտակայքում գտնվող օգտվողները փնտրում են որևէ տեղ կամ ծառայություն։
• Եթե պատշաճ լրացրել եք ընկերության տվյալները, գործունեության տեսակի համապատասխանության դեպքում, դրանք կհայտնվեն որոնման արդյունքներում։
• Հավելալ ուշադրություն են գրավում ակցիաներ, նորություններ, միջոցառումներ և հոդվածներ ավելացնելու գործիքները։
• Այստեղից հնարավորություն ունեք լրացուցիչ այցելություններ ներգրավել դեպի կայք, ստանալ պատվերներ, հարցեր, զանգեր։

Ապրանքների ավելացման գործիքը ոչ միայն հնարավորություն է տալիս ավելացնել և ցուցադրել ապրանքները՝ իրենց գներով, նկարագրություններով և հղումներով, այլև Google Merchant Center համակարգին ինտեգրելու շնորհիվ ապագայում լրացուցիչ վաճառքի հնարավորություններ է ստեղծելու Հայաստանում։

Հոդվածը գրվել է 2016 թվականին և թարմացվել 2024-ի սեպտեմբերին։ Ինֆորմացիայի օգտակարությունը կարող եք գնահատել ներքևում։