Ինչպե՞ս ստեղծել կայք

Սայթերի հիմնական տեսակները տարբաժանելիս կարևոր է հասկանալ, որ դրանց անվանումները հաճախ կրում են մարքեթինգային իմաստ և ճշգրիտ չեն նկարագրում ֆունկցիոնալը։ Օրինակ, լենգինգը մեկ էջանոց կայք է, որը վեբ ծրագրավորողների մոտ համարվում է «ամենահեշտ» ստեղծվող և մատչելի պրոդուկտը։ Սակայն որոշ դեպքերում այդ մեկ էջանոց ռեսուրսը, առաջադրված խնդիրների, անհրաժեշտ ֆունկցիաների պատճառով, կարող է պահանջել ավելի շատ ջանք, քան միջին կորպորատիվ կայքը։ Կամ կորպորատիվ կայք կոչվածը կարող է պարունակել այնպիսի մոդուլներ և ինտեգրացիաներ, որոնց ծրագրավորումը վերջնարդյունքում ավելի բարդ լինի ինտերնետ խանութի ֆունկցիոնալից։ Եթե ուշադրություն չդարձնենք այս մասնագիտական նրբությունների վրա, սայթերի հիմնական տեսակները յոթն են՝

1. Այցեքարտ-կայք։ Լակոնիկ ռեսուրս է, սահմանափակ քանակի էջերով և ֆունկցիոնալով, որն այլևս ակտուալ չէ, քանի որ ժամանակակից CMS-ները թույլ են տալիս ավելացնել անսահմանափակ քանակի բաժիններ և էջեր։ Այսինքն, այդ հնարավորության արհեստական սահմանափակումն իմաստազուրկ է և պատվիրատուի, և ծրագրավորողի համար։ Ուշադրություն դարձրեք, որ կայքի պատրաստման գինն այլևս չի հաշվարկվում էջերի քանակով։
2. Լենդինգ էջ։ Կազմված է մեկ էջից, ունի պրոմո նշանակություն։ Նախատեսված է գովազդի միջոցով պրոմո ակցիաների կամ սահմանափակ ժամկետով զեղչերի տարածման, պատվերների (լիդերի) հավաքման համար։ Եթե ձեր տեսականին սահմանափակ է, ապա լենդինգ փեյջին ավելացնելով գնորդի անձնական կաբինետի ֆունկցիոնալ և ինտեգրելով օնլայն վճարամիջոցներ, կստանանք մինի օնլայն խանութ։ Լենդինգներն օգտագործվում են նաև որպես ինֆորմացիոն լակոնիկ կայքեր։
3. Կորպորատիվ կայքն, ըստ էության, ինֆորմացիոն տիպի ռեսուրս է, որն անվանում են նաև բիզնես սայթ։ Կիրառելի է գրեթե բոլոր կոմերցիոն և ոչ կոմերցիոն ոլորտների համար։ Թույլ է տալիս մատուցել կազմակերպության մասին լիարժեք ինֆորմացիա, քանի որ չունի բաժինների, ենթաբաժինների և էջերի քանակի սահմանափակում, հնարավորություն է տալիս ավելացնել ծառայություններ, նկարագրություններ, պատկերասրահներ, ներբեռնման համար փաստաթղթեր։ Առանձնահատուկ պահանջների դեպքում կարելի է ծրագրավորել օգտագործողների անձնական կաբինետ, ավելացնել օգտակար ֆունկցիաներ։
4. Կայք պորտֆոլիոն, ինչպես հուշում է անվանումը, նախատեսված է տնտեսվարողի համ անհատի աշխատանքները ներկայացնելու համար։ Օրինակ, մեր ընկերության՝ Աստուդիո ՍՊԸ կայքը հենց այս խմբին է պատկանում։ Այստեղ հնարավորություն ունենք ավելացնելու մեր աշխատանքները, տեքստեր, ֆոտոներ, նկարագրություններ, ծառայություններ, գներ, ստանալ պատվերներ։
5. Ծառայությունների կատալոգը թույլ է տալիս ծառայություններ մատուցող ընկերություններին գովազդել սեփական հնարավորությունները, հրապարակել ամբողջական ինֆորմացիա, օգտագործել օնլայն հաշվիչներ, ներկայացնել աշխատանքների արդյունքները։
6. Օնլայն խանութի առավելությունների մասին թվային այս դարում այլևս պատմել պետք չէ։ Ինտենետ խանութները սովորաբար չեն ունենում բաժինների և ապրանքախմբերի սահմանափակում, տեսականին կարելի է ավելացնել և «ձեռքով կառավարման» ռեժիմով, և ներմուծել excel ֆայլից, և ստանալ ինտեգրացիայի միջոցով՝ միանգամից հաշվապահական ծրագրից։ Դե իսկ առաքման հաշվիչը, զեղչերի ու բոնուսների համակարգը, տարատեսակ վճարամիջոցների առկայությունը, անթերի մոբայլ տարբերակը միայն կհեշտացնեն գնումների պրոցեսը։
7. Բիզնես պորտալի ծրագրավորումն այս շարքի ամենաբարդն է։ Պորտալները կարող են լինեն բազմապիսի՝ տեղեկատուներ, լրատվական պորտալներ, աուկցիոններ, հայտարարությունների ռեսուրսներ և այլն։ Հիմնականում նման ստարտափերին միավորում է այցելուների հետ կոմունիկացիայի նպատակը՝ տալով օգուտ, ստանալ եկամուտ։

Կայքի նպատակները և տեսակը որոշելուց հետո դուք պետք է հանգեք երկու կարևոր սկզբունքային հարցի՝

1. Ի՞նչ պլատֆորմի վրա, ի՞նչ տեխնոլոգիաներով ու լեզուներով պատրաստել CMS-ը։
2. Ի՞նչ պահանջներ առաջադրել վեբ դիզայնի համար։

Առաջին հարցով մենք մեր հաճախորդներին խորհուրդ ենք տալիս լուրջ կամ երկարաժամկետ պրոյեկտների համար չօգտվել վարձակալությամբ տրվող պլատֆորմերից, ինպիսիք են Pixpa, Wix, Tilda կոնստրուկտորները, չօգտագործել պատրաստի շաբլոններ, ինչպիսիք են Wordpress, Joomla, OpenCart, Drupal, MODX, Magento CMS-ները։ Որպես անվճար CMS-ներ, սրանք ունեն հազարավոր «գործարանային» խնդիրներ, սահմանափակումներ, կախվածություն առաջացնող պայմաններ, անվտանգության լուրջ խնդիրներ։ Իհարկե, զրոյից ծրագրավորված կայքը նունպես կարող է ունենալ թերություն, սակայն լավ ուսումնասիրված կառավարման համակարգերն ավելի ավելի խոցելի են։

Վեբ դիզայնի ուղղությամբ, եթե չքննարկենք «գեղեցիկ»-«ոչ գեղեցիկ» հարաբերական հասկացությունները, պահանջներն աքսիոմատիկ են՝ ապահովել այցելուների հեշտ կողմնորոշումը, օգտագործման հարմարավետությունը, մեծ ուշադրություն դարձնել մոբայլ տաբերակի դիզայնի մշակմանը, ծրագրավորումից հետո պարտադիր տարբեր սմարթֆոններից իրականացնել թեստավորում։

Ինչպե՞ս ընտրել արժանի կատարող, որպեսզի ծառայությունների արժեքը վախեցնող չլինի, սպասարկումը գոհացնի, իսկ թիմը կազմված լինի լավ մասնագետներից: Հայաստանում տարածված մեթոդ է փորձառու ընկերներից հարցնելը: Այդ իսկ պատճառով Astudio ընկերությունը մեծ ուշադրություն է դարձնում մատուցած ծառայությունների որակին: «Հաճախորդը հաճախորդ է բերում» հասկացությունը մեր երկրում աշխատում է։ Գոհ հաճախորդը բերում է նորերին:

Հաջորդ, դասական մեթոդը որոնողական համակարգերին դիմելն է: Եթե որոնեք, օրինակ, «կայքերի պատրաստում», «ինտերնետ խանութների ստեղծում» կամ այլ թեմատիկ բանալի բառերով, Գուգլը գործող ալգորիթմի համաձայն ձեզ կմատուցի լավագույն արդյունքները։ Այստեղ կարևոր է հասկանալ, որ վեբ ծառայություններ մատուցող ընկերությունն ուղղակի պարտավոր է սեփական կայքը հասցնել թոփ 10-յակ, այլապես պոտենցյալ հաճախորդը կարող է կասկածել կատարողի մասնագիտական կոմպետենտության վրա։ 

Մի քիչ տարօրինակ է, երբ քեզ առաջարկում է փողի դիմաց կայք ստեղծել, որոնողական առաջխաղացմամբ զբաղվել մի ընկերություն, որի կայքը չունի իդեալական կոդ, լի է սխալներով, իսկ բանալի բառերով դիրքերը կասկածելի հետ են Google-ում։ 

Ուսումնասիրեք ոչ միայն պոտենցյալ գործընկերոջ պորտֆոլիոն, գները, այլև ուշադիր եղեք ներկայացված աշխատանքների հեղինակային իրավունքի հարցում, շփվեք վեբ-ստուդիայի նախկին պատվիրատուների հետ, հավաքեք օբյեկտիվ արձագանքներ, զանգով ստացեք խորհրդատվություն և մի վախեցեք հարցեր տալ գնայոգացումների մասին:

Հոդվածը գրվել է 2016 թվականին և թարմացվել 2024-ի հուլիսին։ Եթե կարդացել եք մինչև վերջ, հուսով ենք դրական կգնահատեք ինֆորմացիայի օգտակարությունը։