iOS հավելվածներ Swift լեզվով

2025 թվականի տվյալներով iOS օպերացիոն համակարգն աշխարհում զբաղեցնում է շուկայի 29,2 տոկոսը։ Մոբայլ գադջեթների մասով ցուցանիշը 32,8% է, պլանշետների մասով՝ 46,4։ 

Եթե բոլոր ցուցանիշներով iOS-ի օգտագործումը զիջում է Անդրոիդներին, ինչո՞ւ է iOS հավելվածների պատրաստումն ավելի թանկ, սպասարկումն ունի ավելի բարձր արժեք, պրոդուկտներն էլ հիմնականում վճարովի են կամ պայմանական անվճար։ Բանն այն է, որ օպերցիոն համակարգի օգտագործողների այդ մեկ երրորդը համարվում են վճարունակ։ 

Ըստ վիճակագրական տվյալների՝ Apple-ի օգտատերերը հաճախ ավելի պատրաստակամ են վճարել հավելվածների, օնլայն առևտրի, թանկարժեք ապրանքների համար, ինչն այս սեգմենտին դարձնում է գրավիչ ցանկացած բիզնեսի համար։

Ինչպե?ս ստեղծել iOS մոբայլ հավելված

iOS մոբայլ հավելված ստեղծելը բարդ, բայց համակարգված գործընթաց է։ Այն բաղկացած է հետևյալ հիմնական փուլերից.

• Կարիքների և նպատակների հայտնաբերում ու սահմանում: 
• Տեխնիկական առաջադրանքի և User Flow քարտեզի կազմում: 
• Մշակվում է հավելվածի մանրամասն նկարագրությունը և օգտատիրոջ ճանապարհային քարտեղը հավելվածի ներսում։
• Դիզայնի (UI/UX) փուլում հավելվածի գաղափարը ձեռք է բերում վիզուալ արտացոլում (User Interface՝ UI)։ Սա թույլ է տալիս ծրագրավորումից առաջ համաձայնեցնել տեսակետերը պատվիրատուի հետ։
• Ծրագրավորման փուլը բաժանվում է նվազագույնը երկու փուլի՝ ֆրոնտ էնդ և բեք էնդ։
• Հավելվածի թեստավորում և հրապարակում: Հավելվածը մանրակրկիտ ստուգվում է այնուհետև հրապարակվում App Store-ում, որտեղ նույնպես անցնում է Apple-ի կանոնների համապատասխանության ստուգում։

iOS հավելվածների տեխնոլոգիական հիմքը

iOS հավելվածների ֆրոնտէնդը հիմնականում մշակվում է Swift լեզվով՝ օգտագործելով Apple-ի սեփական ֆրեյմվորքերը, ինչպիսիք են UIKit-ը կամ SwiftUI-ը։ Իսկ հավելվածի բեքէնդը սովորաբար մշակվում է այլ ծրագրավորման լեզուներով և տեխնոլոգիաներով։ 

1. Python (Django, Flask ֆրեյմվորքերով)
2. Node.js (JavaScript)
3. Java (Spring Boot)
4. PHP (Laravel)
5. Go

Թեև Swift-ը նույնպես կարող է օգտագործվել բեքէնդի համար՝ (Vapor կամ Kitura ֆրեյմվորքերի միջոցով) այն կիրառվում է ավելի քիչ քան մյուս լեզուները։

Ի՞նչու ընտրել Swift ծրագրավորման լեզուն

1. Ճիշտ այնպես, ինչպես Kotlin-ն է անփոխարինելի Android հավելվածների համար, այնպես էլ Swift-ն է iOS հավելվածների լավագույն ընտրությունը։ Սա պայմանավորված է հետևյալ առավելություններով.
2. Արագություն և արդյունավետություն: Swift-ը նախագծված է լինելու արագ և օպտիմալացված Apple-ի սարքերի համար, ինչն ապահովում է հավելվածի բարձր արդյունավետություն։
3. Անվտանգություն և հուսալիություն: Swift-ի ճարտարապետությունը նվազեցնում է սխալների հավանականությունը՝ ապահովելով հավելվածի կայունությունն ու անխափան աշխատանքը։
4. Պարզություն, ընթեռնելիություն և կանխատեսելիություն: Swift-ի տրամաբանությունն ավելի պարզ է և մոտ մարդկային լեզվին, քան Objective-C-ինը, ինչը հեշտացնում է կոդի ընթերցումը և հետագա զարգացումը։
5. Արդիականություն: Swift-ը մշտապես զարգացվում է Apple-ի կողմից, ինչը նշանակում է, որ ձեր հավելվածը կլինի ակտուալ և մրցունակ երկար տարիներ։
6. Ակտիվ համայնք: Swift-ն ունի հսկայական աջակցող համայնք՝ մշակման գործընթացն ավելի արդյունավետ և համակարգված դարձնելու համար։

Այսպիսով, iOS հավելվածների մշակումը Swift լեզվով հնարավորություն է տալիս ստեղծելու որակյալ հավելվածներ Apple-ի սարքերի համար, որոնք թույլ կտան ձեր բիզնեսին արդյունավետորեն կապվել iOS օգտատերերի հետ։