Տեսականու ներկայացման կատալոգ-կայքի ստեղծում

Ինչպե՞ս կատալոգ-կայքը վերածել ինտերնետ խանութի

Astudio ընկերությունը ստեղծում է կատալոգ-կայքեր՝ զրոյից ծրագրավորմամբ և կառավարման դինամիկ համակարգով։ Կախված բիզնեսի նպատակներից՝ հարթակը հետագայում կարող է համալրվել զամբյուղով, վճարման և առաքման համակարգերով և e-commerce  այլ  գործիքակազմով։ 

Կատալոգ-կայքը սովորական ներկայացուցչական կայքից տարբերվում է իր կառուցվածքով և բովանդակության կազմակերպմամբ։

Եթե կորպորատիվ կայքի հիմնական նպատակը ընկերության, ծառայությունների և գործունեության ներկայացումն է, ապա կատալոգ-կայքի կենտրոնական մասը ապրանքատեսականին է։ Ապրանքները դասակարգվում են ըստ կատեգորիաների և ներկայացվում առանձին քարտերով, որոնցում կարող են ներառվել անվանումը, լուսանկարը, նկարագրությունը, բնութագրերը և այլ տվյալներ։

Կատալոգ-կայքը հարմար է այն բիզնեսների համար, որոնց անհրաժեշտ է ներկայացնել մեծ կամ պարբերաբար փոփոխվող տեսականի՝ առանց առցանց վաճառքի ամբողջական գործիքակազմ ներդնելու։ Այն կարող է ներառել՝

• ապրանքների կատեգորիաներ և ենթակատեգորիաներ,
• ապրանքային քարտեր,
• որոնման և ֆիլտրացիայի համակարգ,
• ապրանքների համեմատության կամ ընտրության գործիքներ,
• հարցման կամ պատվերի հայտի ձևեր,
• ապրանքի առանձին էջեր,
• կոնտակտային և գործընկերային բաժիններ։

Կատալոգ-կայքը կարող է հետագայում վերածվել նաև ինտերնետ խանութի՝ առանց ամբողջ հարթակը զրոյից ստեղծելու։ Դրա համար արդեն գործող համակարգին փուլային կերպով ավելացվում են էլեկտրոնային առևտրի անհրաժեշտ գործիքները՝

• զամբյուղ,
• պատվերի ձևակերպում,
• գնորդի գրանցում,
• անձնական կաբինետ,
• օնլայն վճարամիջոցներ,
• առաքման հաշվիչի ինտեգրում,
• պատվերների կառավարման գործիքներ։

Այսպիսի մոտեցումը թույլ է տալիս սկզբում գործարկել կատալոգը, ուսումնասիրել շուկայի արձագանքը, ստանալ լիդեր,  զբաղվել կայքի առաջխաղացմամբ, և նոր միայն անհրաժեշտության դեպքում աստիճանաբար ավելացնել առցանց վաճառքի մնացած գործիքները՝ պատրաստելով լիարժեք ինտերնետ խանութ։