Ինչպես առաջխաղացնել կայքը. Google-ը փոխում է ալգորիթմները

Ինչպես առաջխաղացնել կայքը. Google-ը փոխում է ալգորիթմները

Google ընկերությունը նոր անակնկալ ունի իր այցելուների և SEO օպտիմալացմամբ զբաղվողների համար, որոնց հետաքրքրում է առաջխաղացման թեման: Google-ը փոխում է իր ալգորիթմը: Նոր փորձի անունն է Knowledge-Based Trust, որը բաշխման ավելի որակյալ ալգորիթմ է ենթադրում և սկզբունքորեն տարբերվում է հնից: Որոնողական համակարգում էջերի բաշխման նոր մեթոդը կհիմնվի կոնտենտի ճշգրտության վրա: Առաջխաղացման գործընթացում հավաստի տեղեկատվությունը ավելի ծանր կլինի, քան հղումային զանգվածը: Google-ն արդեն հրապարակել է ալգորիթմի տեսությունը: Հակիրճ կպատմենք փոփոխությունների մասին:

Արդեն մի քանի տարի է՝ գիտենք, որ էջերի դիրքը Google որոնողական համակարգում որոշվում է հղումային զանգվածների օգնությամբ: Առաջխաղացման համար առաջին գլոբալ փոփոխությունն այն է, որ ապագայում նույնիսկ որակյալ հղումները որոշիչ դեր չեն խաղա: Կոնտենտի հավաստիությունը կստուգվի տեղեկատվության և համապատասխան նյութերի համադրմամբ՝ «Տեղեկատվական ցանց» և «Տեղեկատվական պահոց» համակարգերից: Մեծ համընկնումների դեպքում կոնտենտը կճանաչվի հավաստի: Դա նշանակում է, որ Google-ը կբաշխի էջերի որակը ոչ թե դասական մեթոդներով, այլ տեքստում առկա հավաստի փաստերի հիման վրա: Ընկերությունը հայտարարել է, որ ալգորիթմի թեստավորումն արդեն անց է կացվել: Ճշգրտության համար միլիարդավոր տեքստեր են ստուգվել:

Ինչպես առաջխաղացնել սեփական էջը

Google Page Rank-ի թարմացումը վերջին անգամ տեղի է ունեցել 2013թ.-ին: 2014-ին ընկերության մասնագետները հայտարարեցին, որ PR թարմացումների այլևս պետք չէ սպասել: 2010թ.-ից հետո պարզ դարձավ՝ կայքերի առաջխաղացման համար մեծ դեր կխաղան ինքնատիպ, որակյալ տեքստերը, որոնք օգտակար են իրենց տրամադրած տեղեկատվությամբ: Փաստացի ալգորիթմի թարմացումը այս փոփոխությունների վերջին փուլն է: Առցանց ռեսուրսները պետք է դառնան ներկա ինտելեկտուալ արտադրանք, իսկ տեքստերի որակը պետք է ուղեկցվի հավաստիությամբ:

Ինչպե՞ս առաջ տանել կայքը նոր իրականությունում: Այսօր Google-ը կայքերի բաշխման համար ստուգում է հղումային գործոնը: Որքան որակյալ են հղումները, այդքան մոտ է վեբ կայքը թոփ 10-յակին: Ստացվում է՝ մենք կարող ենք վճարել օպտիմալացված տեքստերի համար, որոնք կեղծ տեղեկատվություն են պարունակում, գնել որակյալ հղումներ և առաջ տանել ոչ որակյալ տեղեկատվությամբ կայքը դեպի տասնյակ: Նոր ալգորիթմը պայքարելու է նման առաջխաղացման և որոնողական սպամի դեմ: 

  • Հղումների որակի և քանակի ստուգման փոխարեն ալգորիթմը կհամեմատի ճիշտ և սխալ փաստերը:
  • Ալգորիթմի համար փաստերի աղբյուր կհանդիսանա «Տեղեկատվական ցանց»-ը:
  • Միշտ ակտուալ կմնան կոնտենտի արդյունավետությունը և վարքային գործոնները:

Google-ի հուշումները

Չնայած նման կարևոր փոփոխություններին՝ Google-ը չի կարող ամբողջապես հրաժարվել հղումային բաշխումից: Դրա համար անհրաժեշտ են երկար տարիներ և անվիճելի տեղեկատվական բազա: Սակայն քոփիրայթերներն ու գործատերերը ճշմարիտ տեքստերի սկզբունքներին պետք է հետևեն այս պահից սկսած: Ալգորիթմ մշակողներն իրենք ընդգծում են՝ ամենասկզբում Knowledge Based Trust ալգորիթմը կկիրառենք բացառապես կոնկրետ թեմատիկայով ռեսուրսների համար՝ տեղեկատվական հարթակներ, պատմաբանական կայքեր: Իսկ թե երբ ալգորիթմը կսկսի աշխատել հայալեզու որոնողական հարթակում, դեռ հայտնի չէ:

Բլոգ

356