Google-ը փոխում է ալգորիթմները
Google ընկերությունը նոր անակնկալ ունի օգտվողների, SEO օպտիմալացմամբ և սիրողական առաջխաղացմամբ զբաղվողների համար: Google-ը փոխում է ալգորիթմները:
Նոր ալգորիթմի անունն է Knowledge-Based Trust։ Այն սկզբունքորեն տարբերվում է հնից և ենթադրում է կայքերի գնահատման և արդյունքների ցուցադրման ավելի որակյալ մեխանիզմ:
Որոնողական համակարգում էջերի որակի գնահատման նոր մեթոդը կհիմնվի կոնտենտի ճշգրտության փաստի վրա:
Google Page Rank-ի թարմացումը վերջին անգամ տեղի է ունեցել 2013 թվականին: 2014-ին ընկերության մասնագետները հայտարարեցին, որ PR թարմացումներին այլևս պետք չէ սպասել: 2010-ից հետո պարզ դարձավ՝ կայքերի առաջխաղացման համար մեծ դեր կխաղան ունիկալ, որակյալ տեքստերը, որոնք օգտակար են տրամադրած տեղեկատվությամբ:
Knowledge-Based Trust ալգորիթմի թարմացումը այս ուղղությամբ փոփոխությունների վերջին փուլն է:
Այսուհետ առաջխաղացման վրա դրական ազդող ցուցանիշների ցանկում առկա հավաստի տեղեկատվությունը ավելի ծանրակշիռ գործոն կլինի, քան օրինակ, հետադարձ հղումների գործոնը։ Google-ն արդեն հրապարակել է ալգորիթմը նկարագրող փաստաթուղթը:
Knowledge-Based Trust ալգորիթմ
Ինչպե՞ս է Գուգլի ալգորիթմը գնահատում կայքէջերի կշիռը։ Ըստ հրապարակված փաստաթղթերի հիմնական պարամետրերը մի քանիսն են։
- Դոմենի տարիք և հեղինակություն
- Օպտիմալացված կոդ
- Ինֆորմացիայի արագ բեռնում
- Մետա թեգերի ճիշտ կիրառում
- Օգտակար կոնտենտ
- Օպտիմալացված կոնտենտ և նկարներ
- Կայքի մասին մեջբերումներ
- Հետադարձ հղումների քանակ և որակ։
Մինչև հիմա Google որոնողական համակարգում կայքերի դիրքը որոշելիս ալգորիթմների համար վճռորոշ է եղել հատկապես հետադարձ հղումների գործոնը: Knowledge-Based Trust ալգորիթմը այս մասով ենթադրում է գլոբալ փոփոխություն։
Ըստ հայտարարության այսուհետ հղումները որոշիչ դեր չեն խաղա: Դրա փոխարեն կարևորվում է կոնտենտի հավաստիությունը։ Այն կստուգվի որոնողական համակարգում առկա փաստերի համադրմամբ, որոնք ստացվում են Knowledge Graph և Knowledge Vault գիտելիքների բազայից:
Մեծ համընկնումների դեպքում կոնտենտը կճանաչվի հավաստի: Դա նշանակում է, որ Google-ը կորոշի էջերի որակը ոչ թե դասական մեթոդներով, այլ տեքստում առկա հավաստի փաստերի հիման վրա:
Ընկերությունը հայտարարել է, որ ալգորիթմի թեստավորումն արդեն անց է կացվել: Ճշգրտության համար միլիարդավոր տեքստեր են ստուգվել: Այս ալգորիթմը հատկապես կտարածվի լրատվական, ինֆորմացիոն կայքերի և պորտալների վրա։
Նոր ալգորիթմի առանձնահատկությունը
Այդուհանդերձ, ինչպիսին է հղումների դերը SEO առաջխաղացման պրոցեսում։ Գնահատման այս գործոնը դեռ երկար է պահելու իր ծանրակշիռ ազդեցությունը, սակայն որոշակի փոփոխություններով։
Google-ը կայքերի տեղաբաշխման համար շարունակում է ստուգել հետադարձ հղումների քանակը և որակը:
Որքան որակյալ են հղումները, այդքան վեբ սայթը մոտ է թոփ 10-յակին: Սակայն այլևս SEO մասնագետները չեն կարող պատվիրել օպտիմալացված ունիկալ տեքստեր, որոնք կեղծ տեղեկատվություն են պարունակում, գնել որակյալ հղումներ և առաջխաղացնել ոչ հավաստի տեղեկատվությամբ կայքը դեպի թոփ տասնյակ: Նոր ալգորիթմը պայքարելու է նման առաջխաղացման և որոնողական սպամի դեմ:
- Հղումների որակի և քանակի ստուգմանը զուգահեռ ալգորիթմը կհամեմատի ճիշտ և սխալ փաստերը:
- Ալգորիթմի համար փաստերի աղբյուր կհանդիսանա Knowledge Graph կամ Knowledge Vault գիտելիքների բազան:
- Միշտ ակտուալ կմնան կոնտենտի օգտակարության և այցելուների վարքային գործոնները:
Ալգորիթմը մշակողներն ընդգծում են՝ ամենասկզբում Knowledge Based Trust-ը կկիրառվի բացառապես ինֆորմացիոն, պատմական, առողջապահական և լրատվական թեմաներով ռեսուրսների համար՝ հետագայում տարածվելով ինֆորմացիայի բոլոր աղբյուրների վրա։
Ստացեք ձեր նախագծի գնահաշվարկը և խորհրդատվություն։ Մենք կառաջարկենք օպտիմալ լուծումներ։
Local SEO-ն օգնում է ձեր բիզնեսին հայտնվել տեղական որոնման արդյունքներում և Google Maps-ում, երբ օգտատերը փնտրում է անհրաժեշտ ծառայություն կամ ապրանք։
Կարևոր են՝
- Google Business Profile-ի ստեղծում և օպտիմալացում
- Ճիշտ կոնտակտային տվյալներ բոլոր վստահելի աղբյուրներում
- Ֆիզիկական հասցեի առկայություն
- Հետադարձ հղումներ
- Արագագործ և mobile-friendly կայք։
SEO-ն պատասխանատու է Google և այլ որոնողական համակարգերում որոնման արդյունքների նկատելի տեղերում հայտնվելու համար։
SEO-ի հիմանական ուղղություններն են՝
- On site – կայքի ներքին, հատկապես՝ կոնտենտի օպտիմալացում։
- Off site – արտաքին օպտիմալացում՝ ուղղված դոմենի հեղինակության բարձրացմանը։
- Technical SEO – կոդի տեխնիկական օպտիմալացում և արագագործության բարձրացում։