Կայք աուկցիոնի պատրաստում

Այն երկրներում, որտեղ արդիական են թափանցիկության ապահովման, հաղորդակցությունը հեշտացնելու, առևտրային պրոցեսներն ավտոմատացնելու խնդիրները, օնլայն աուկցիոնները մեծ պոտենցյալ ունեն: Օրինակ՝ Հայաստանում դասական բիզնես մոդելով աշխատող նման հարթակներ անհրաժեշտ են բանկերին, վարկային կազմակերպություններին, ներմուծողներին, բորսաներին և այլն։ Բացի դասականից աշխարհում գործում են նաև հոլանդական, սկանդինավյան տեսակի աուկցիոններ և տասնյակ խաղարկային հարթակներ, որոնք առևտրի գործընթացում ներառում են վիճակախաղերին հատուկ գործիքակազմ։ Հակիրճ նկարագրենք օնլայն աուկցիոնների տեսակները։

• Դասական կան անգլիական․ Սա ամենատարածված և ստանդարտ աուկցիոնի տեսակն է, որի բիզնես մոդելը հիմնված է նախնական գնի բարձրացման գաղափարի վրա: Այս մեթոդով հիմնականում վաճառվում են էքսկլյուզիվ ապրանքները՝ հնարավորինս բարձր արժեք ստանալու սկզբունքով։ Ապրանքի գինն աճում է քայլ առ քայլ, յուրաքանչյուր քայլի դրույքաչափը հաշվարկվում է սկզբնական գնի տոկոսային հարաբերակցությամբ։ Հաղթող է համարվում այն մասնակիցը, ով հայտարարված ժամանակահատվածում վերջինն է կատարում գնաբարձրացումը: Որպես առևտրի կազմակերպիչ և օֆլայն, և օնլայն աուկցիոնները եկամուտը ստանում են լոտի տեղադրման և վաճառքի վերջնական գնում ունեցած տոկոսից:
• Հոլանդական աուկցիոնի աշխատանքի սկզբունքը սկզբնական արժեքի իջեցումն է, մինչև առաջին գնորդի հայտնվելը: Այս մոդելը կիրառվում է մեծածախ առևտրում՝ հատկապես արագ փչացող կամ ապրանքային տեսքը կորցնող տեսականու դեպքում: Օրինակ, իր անվանումն առևտրի այս տեսակը ստացել է հենց հոլանդական ծաղիկների վաճառքի մեթոդից։ Ստացվել են ծաղիկների մեծածախ խմբաքանակներ, հայտարարվել է դրանց սկզբնական գինը, որը աստիճանաբար նվազել է՝ մինչև ծաղիկների փչանալը վաճառքը հնարավորինս արագ կազմակերպելու համար։ Նույն մոդելը Հայաստանում կարելի է կիրառել գյուղատնտեսական արտադրանքի վաճառքի և նույնիսկ ցանկացած այլ տեսականու համար նախավաճառքի համար։
• Սկանդինավյան աուկցիոնը, որի անվանումը ոչ մի կապ չունի սկանդինավյան երկրների հետ, չնայած Եվրոպայում և ԱՄՆ-ում պաշտոնապես ճանաչվել է որպես աուկցիոնի տեսակ, շատերի մոտ թերահավատություն է առաջացնում։ Պատճառը՝ առևտրի այս ձևը անօրինական օնլայն սխեմաներում կիրառելն է։ Ո՞րն է այս մոդելի առանձնահատկութունը։

Հարթակը վաճառքի է հանում որևէ թանկարժեք իր՝ անբնական էժան գնով։ Օրինակ, վերջին մոդելի Iphone-ը 10 հազար դրամ պայմանական արժեքով։ Գովազդով ներգրավում են պոտենցյալ գնորդների, ովքեր աուկցիոնին մասնակցելու համար բալանսում պետք է ունենան որոշակի գումար։ Դա անրհարժեշտ է լոտի յուրաքանչյուր քայլի խաղադրույքի համար վճարելիս։ Այո, այստեղ ամեն հաջորդ քայլում գնման ավելի բարձր գին առաջարկելու համար մասնակիցը պետք է վճարի։ Լոտի քայլը պայմանականորեն հայտարարվում է 10 միավորը։ Յուրաքանչյուր 10 միավորով առաջարկը բարձրացնելու համար մասնակցի բալանսից գանձվում է 20 միավոր։ Հաղթող է ճանաչվում վերջինը խաղադրույք կատարած անձը։ 

Ենթադրենք վաճառվող ապրանքի գինը 500000 է, մասնակցության արժեքը 3000։ 100 մասնակցի պարագայում կազմակերպիչն արդեն ունենում է 300000 գումար։ Համարենք, որ այդ բյուջեով փոխհատուցվում են գովազդի, մարկետինգի և գրասենյակի վրա կատարած ծախսերը։ Աուկցիոնի սկբնական հայտարարված գնի յուրաքանչյուր քայլով բարձրանալը կազմակերպչին ապահովում է ևս 20-ական միավորով։ Այսինքն, եթե նույնիսկ ապրանքը վաճառվի 250000-ով, ստացվում է, որ 10000-ից 250000 աճի ճանապարհին մասնակիցները կատարել են գնի բարձրացման 24000 քայլ, որի համար կազմակերպիչը վերջինների բալանսից գանձել է ընդհանուր 480000 դրամ։

Ամփոփենք մեկ լոտի օրինակը։ Մանակցության վճարներից գոյացած 300000-ից աուկցիոնը փոխհատուցեց իր ընթացիկ ծախսերը։ Մասնակիցների գնաբարձրացման գանձումները կազմել են 480 հազար, գումարած վճառքի գինը՝ 250000 դրամ։ Եթե հանենք ապրանքի շուկայական արժեքը՝ ստացվում է 230000 մաքուր եկամուտ մեկ լոտից։ Մեկ միջին մասնակիցն այս «խաղով» անցնելու համար կորցնում է 7800, հաղթած մասնակիցն ամենուր գովազդում է նոր հարթակը։

• Խաղարկային աուկցիոնները, վերևում նկարագրածի տարատեսակներն են՝ գնի իջեցմամբ, բարձրացմամբ, ժամանակի սահմանափակմամբ, խաղարկային ֆունկցիաների ավելացմամբ և այլ հետաքրիքր գործիքներով։

Եթե արդեն որոշել եք ձեր ապագա բիզնեսի գործունեության մոդելը, դիմեք Աստուդիո ընկերությանը՝ ինտերնետ բիզնեսի կամ ստարտափի ստեղծման հարցով անհարժեշտ խորհրդատվություն ստանալու համար։ Մենք ըստ տեսակների կպատմենք առևտրային պորտալների թերությունների և առավելությունների մասին, կհուշենք այցելուներ գրավելու և պահելու համար անհրաժեշտ գործիքակազմի մասին, կզգուշացնենք ձեր ռիսկերի ու հնարավորությունների մասին։

Ինտերնետ աուկցիոնի ստեղծման փուլերը՝

1. Կազմում ենք հիմնավորված գնառաջարկ;
2. Բանակցում ենք ֆունկցիոնալի շուրջ և որոշում վերջնական բյուջեն;
3. Ներկայացնում ենք տեխնիկական նկարագիրը և պայմանագիրը;
4. Ստեղծում ենք և համաձայնեցնում վեբ-դիզայնը;
5. Սայթը ծրագրավորում են զրոյից;
6. Թեստավորում ենք և ակտիվացնում նախագիծը;
7. Տրամադրում ենք տեխնիկական երաշխիքներ։