Ինչի՞ց սկսել կայքի պատրաստումը

Ցանկացած գործունեության համար ինտերնետային կայքը հզոր մարքեթինգային գործիք է, որը թույլ է տալիս զարգացնել բիզնեսը, մեծացնել հաճախորդների բազան: Այդ պատճառով կայք պատրաստող ընկերության ընտրությունը պետք է կատարել ուշադիր:

Որտե՞ղ պատվիրել կաքը: Եթե ցանկանում եք ստանալ երկարաժամկետ լուծումներ, պետք չէ խնայել՝ դիմելով անփորձ ֆրիլանս մասնագետների: Պրոֆեսիոնալ վեբ ընկերության հետ համագործակցության առվելությունն այն է, որ կայքի պատրաստման վրա աշխատում է մի ամբողջ թիմ՝ ծրագրավորող, դիզայներ, պրոյեկտ մենեջեր, քոփիրայթեր:

Ֆրիլանսերների հետ աշխատանքը նման առավելություններ չի տալիս: Եթե նույնիսկ անհատն իր գործի՝ ծրագրավորման մասնագետն է, նա չի կարող միաժամանակ լավ դիզայներ, քոփիրայթեր կամ թեստավորող լինել: Դուք ստիպված կլինեք յուրաքանչյուր ծառայության համար մասնագետ գտնել և ինքներդ դառնալ պրոյեկտ մենեջեր:

Վեբ ստուդիայի ընտրության ժամանակ պետք է նախևառաջ հաշվի առնել փորձը, ուսումնասիրել ընկերության կատարած աշխատանքների պորտֆոլիոն: Նախապատվությունը պետք է տալ հեղինակային աշխատանքներին։ Հատկապես դիզայնի հարցում։ Մի շարք վեբ ընկերություններ կիրառում են դիզայնների շաբլոններ, ինչը զրկում է ձեր կայքը անհատականությունից:

Նախ պետք է պատկերացում կազմել սայթի առջև դրվող խնդիրների և առաքելության մասին։ Անհրաժեշտ է թղթի վրա շարադրել պատկերացումները, թե ինչպիսին պետք է լինի ապագա կայքը։ Այդ մտքերի և քննարկումների հիման վրա վեբ ստուդիան պահանջները պետք է մանրամասն շարադրի տեխնիկական առաջադրանքում:

1. Կարող եք տրամադրել կայքերի օրինակներ, այն դրական կողմերը, որոնց, ըստ ձեզ, դիզայները պետք է ուշադրություն դարձնի:
2. Եթե ունեք ֆիրմային ոճ, լոգոտիպ, ապա դիզայնը պետք է մշակվի ձեր բրենդբուքի հիման վրա:
3. Ցանկալի է, որպեսզի ստուդիան ներկայացնի դիզայնի մի քանի օրինակ, որոնցից կարող եք ընտրել առավել օպտիմալը:
4. Փորձեք քննարկել դիզայնի փոփոխությունների հարցը մինչև ծրագրավորումը սկսելը:

Կայքերի պատրաստում հասկացությունը կարելի է մեկնաբանել տարբեր կերպ: Այս ծառայության տակ կարելի է հասկանալ դիզայնի միացումն արդեն պատրաստի՝ WordPress-ի անվճար CMS-ին և կարելի է տրամադրել հեղինակային աշխատանքներ՝ վեբ դիզայնից ու ծրագրավորումից մինչև ձևավորում ու առաջխաղացում:

Աշխատանքը սկսելուց առաջ պետք է քննարկել ծառայությունների բոլոր նրբությունները, կազմել տեխնիկական նկարագիրը, կազմել պայմանագիր, արձանագրել կողմերի բոլոր պարտականությունները, տեխնիկական սպասարկման երաշխիքի ժամկետը:

• Ուշադիր ծանոթացեք ընկերության գնացուցակին՝ ուշադրություն դարձնելով կայքի պատրաստման ծառայություններին։ Արդյո՞ք գնի մեջ ներառվում են կայքի հեղինակային դիզայնը, կոնտենտի կազմումը և SEO օպտիմալացումը:
• Մի շարք վեբ ընկերությունների կողմից առաջարկվող ցածր գները հաճախ հիմնավորվում են նրանով, որ որոշ անհրաժեշտ ծառայություններ պետք է առանձին պատվիրել: Եղեք ուշադիր։
• Համագործակցությունից առաջ պարտադիր մանրամասն ծանոթացեք պայմանագրում շարադրված պայմաններին: