How to open an online shop

Ինչպե՞ս բացել ինտերնետ-խանութ

Դուք որոշել եք բացել ինտերնետ խանութ և մինչև համապատասխան վեբ-ստուդիան ընտելը, որոնում եք հիմնական հարցերի պատասխաները: Ի՞նչ է անհրաժեշտ Հայաստանում օնլայն խանութի ստեղծման համար, ինչպե՞ս բացել օնլայն խանութ, հարկային ոլորտին առնչվող ի՞նչ խնդիրներ է դրա համար պետք լուծել, ինչպե՞ս կարելի է կազմակերպել առաքումները, ինչպե՞ս բարձրացնել հարթակի վարկանիշը և, վերջապես, ինչ ծախս է ենթադրում ինտերնետ խանութի ստեղծումը, սպասարկումը և առաջխաղացումը: Այս հոդվածում կփորձենք մանրամասն անդրադառնալ օնլայն խանութների պատվիրատուների կողմից հնչեցվող հիմնական հարցերին։

Նախքան աշխատանքին անցնելը՝ ճիշտ կլինի պլանավորել գործողությունների հերթականությունը։ Դրա համար անհրաժեշտ է հասկանալ ապագա բիզնեսի կառուցվածքը և պատասխանել առաջին գլոբալ հարցին՝ ի՞նչ բիզնես մոդելով է աշխատելու ձեր ապագա ինտերնետ խանութը։

  1. Ինտերնետ խանութների ամենատարածված տիպը նախատեսված է սեփական տեսականու վաճառքի համար։ Այն կիրառելի է, երբ ունեք օֆլայն առևտրի կետ, շրջանառություն, իսկ էլեկտրոնային առևտրային հարթակը ստեղծում եք, որպեսզի մեծացնեք շրջանառությունը՝ վաճառելով միայն սեփական տեսականին:
  2. Ավելի լուրջ ֆունկցիոնալ է ենթադրում օնլայն խանութի այն տեսակը, որտեղ դուք պատրաստվում եք վաճառել այլ մատակարարների ապրանքները՝ պայմանագրեր կնքելով վերջինների հետ։ Այս դեպքում, պայմանագրերի հիման վրա, ընտրում եք անհրաժեշտ տեսականին, տեղադրում սեփական խանութում, ստանում պատվերներ, կատարում առաքումներ և գործընկերների հետ կատարում անհրաժեշտ վերահաշվարկները։ Գնային քաղաքականությունը որոշում եք և հաճախորդի առջև պատասխանատվությունը կրում եք ինքներդ։
  3. Հաջորդ տիպն անվանում են մարկետփլեյս։ Այս դեպքում ինտերնետ-խանութն աշխատում է որպես «միջնորդ-հարթակ»՝ տարբեր փոքր ու միջին վաճառողներին հնարավորություն տալով ստեղծել սեփական խանութները, տեղադրել ապրանքները, օգտվել էլեկտրոնային կոմերցիայի գործիքներից:

Ինչի՞ց սկսել խանութի ստեղծումը

Ինչի՞ց սկսել խանութի ստեղծումը: Ընտրությունը բազմազան է: Ամեն ինչ կախված է պատվիրատուի նպատակներից, խնդիրներից և, իհարկե, նախագծի բյուջեից: Դուք կարող եք՝

  1. Գնել օնլայն խանութի պատրաստի շաբլոն՝ մատնվելով անհայտության,
  2. Բացել ժամանակավոր խանութ պատրաստի հարթակներում՝ վճարելով վարձակալության համար,
  3. Ստեղծել ինտերնետ-խանութ զրոյից, զարգացնել սեփական նախագիծը՝ կախվածության մեջ չլինելով տարատեսակ լիցենզիաներից և սահմանափակումներից։

Պատրաստի շաբլոն գնելու եղանակով առցանց խանութ ստեղծելը մատչելի տարբերակ է, սակայն դուք բիզնեսը հարմարեցնում եք ձեր ընտած CMS-ի հնարավորություններին: Շաբլոնների վրա խանութների ստեղծումը հազվադեպ է տալիս այն արդյունքը, որին սպասում է հաճախորդը: Դա կարելի է համարել կորցրած ժամանակ և գումար՝ անհայտ արդյունքով: Գլխավոր խնդիրն այն է, որ շաբլոնային կայքերն ունեն անվտանգության հետ կապված բազմաթիվ խնդիրներ: Եթե դիտարկենք վիճակագրությունը, ամենօրյա հաքերային հարձակումների 95%-ն ուղղված է հենց հայտնի CMS հարթակներին:

Բացել առցանց խանութ՝ տարածք վարձակալելով կողմնակի պորտալում, խնդրի լուծման ամենաէժան տարբերակն է: Դա նման է վաճառասեղան վարձակալությանը շուկայում: Այս եղանակը կարելի է ընտրել միայն բիզնես մոդելի փորձարկման համար։

Ծրագրավորում զրոյից

Հաջող ինտերնետային խանութի բիզնես ստեղծելու լավագույն միջոցը ռեսուրսի զրոյից ծրագրավորումն է: Նման մոտեցումը բիզնեսի պլանավորման, ստեղծման և զարգացման գործընթացում տալիս է գործողությունների լիակատար ազատություն: Առանց շաբլոնների, զրոյից ծրագրավորումն ավելի թանկ է, քան պատրաստի CMS հարթակների վրա առցանց խանութի ստեղծումը, բայց երկարաժամկետ կտրվածքով այդ ներդրումներն արդարացված են: Առանց շաբլոնների աշխատանքն ունի բազմաթիվ առավելություններ՝

  • Անհատական տեխնիկական առաջադրանքը թույլ է տալիս նախագծել և ստանալ օնլայն խանութի օպտիմալ կառուցվածք:
  • Պատվիրատուն չպետք է իր երևակայությունը հարմարեցնի պատրաստի շաբլոնների հնարավորություններին: Բիզնեսում եկամուտ բերում են տարբերվող նախագծերը:
  • Հեղինակային դիզայնը, ինտերնետ-խանութի ադապտիվ ծրագրավորումը, անձնական կաբինետի անհատական գործիքները գրավում են օգտատերին:
  • Խանութի՝ զրոյից ծրագրավորումը անսահմանափակ ֆունկցիոնալ հնարավորություններ է տալիս:
  • Մաքուր կոդով և օպտիմալացված կայքը մի քանի անգամ ավելի հեշտ է ենթարկվում SEO առաջխաղացմանը, քան ցանկացած հայտնի շաբլոնի վրա պատրաստվածը։

Ի՞նչ ծախսեր են ձեզ սպասում

Օնլայն խանութ բացելու ճանապարհին ամենաբարդ հարցը սպասվող ծախսերի պլանավորումն է։ Սա տուն նորոգելու պես է՝ պլանավորում ես xx բյուջե, որպեսզի գործը կիսատ չթողնես, պետք է այն բազմապատկես 2-ով։ Այդ պատճառով, ելնելով տարիների փորձից, հրապարակելով ինտերնետ խանութների ստեղծման գները, մենք միանգամից հնչեցնում ենք իրական սպասվող ծախսի չափը։ Իհարկե դա երբեմն «վախեցնում» է պատվիրատուներին, բայց ավելի լավ է ունենալ «վախեցած» գործընկեր, քան խաբված և հիասթափված։ Այսպիսով, ի՞նչ ծախսեր են ձեզ սպասում՝

  • Թվում է՝ ամենամեծ ծախսը բուն ռեսուրսի ստեղծումն է, սակայն դա միայն սկզբում է այդպես թվում։ Այդուհանդերձ, որակյալ օնլայն խանութի ստեղման համար միջինում կարող եք պլանավորել 4,5 մլն դրամ բյուջե։
  • Շրջանառությունից տոկոսային հարաբերակցությամբ հաշվարկվող մշտական ծախսերի շարքին են դասվում օնլայն վճարամիջոցների օգտագործման միջնորդավճարը (1,5-2,7) և հարկերը (1,5-5)։ Այդ 2-ի օպտիմալացված չափն է 3,1%-ը։
  • Առաքումների կազմակերպման համար այսօր արդեն պարտադիր չէ ունենալ սեփական անձնակազմը։ Գործընթացը հաջողությամբ կարող եք կազմակերպել մասնագիտացված ընկերության միջոցով՝ գնորդից առաձին գանձելով գումարը։
  • Հաջորդ մշտական ծախսը ինտերնետ խանութի կոնտենտի սպասարկումն է։ Այս մասով ունեք մի քանի տարբերակ․ աութսորսի միջոցով համատեղել կոնտենտի աշխատանքներն ու SEO-ն, համատեղել SMM-ի հետ, կոնտենտի սպասարկումը հանձնարարել պատվերներն ընդունող օպերատորին։
  • Օպտիմալ տարբերակներից մեկն է առանձնացնել SEO ծառայություններն ու կոնտեքստային գովազդի կազմակերպումը։ Այս երկու ուղղության համատեղ օպտիմալ բյուջեն Հայաստանում գործող միջին խանութի համար կազմում է 200 հազար դրամ և ավելի։
  • Եթե որոշեք աութսորսի հանձնել նաև SMM առաջխաղացման ծառայությունները, ապա նույնքան բյուջե էլ անհրաժեշտ է նախատեսել սոց ցանցերի գրագետ վարման և նվազագույն ինտեսիվությամբ գովազդի կազմակերպման համար։

 

Ցանկանո՞ւմ եք ստեղծել վեբ-կայք։ Մեզ մոտ կլսեք հիմնավորված գներ և ռեալ ժամկետներ։ Առաջարկում ենք օպտիմալ լուծումներ, ընդհանուր հայտարարի դեպքում՝ կազմում ենք պայմանագիր և տեխնիկական նկարագիր։ Պատվերի կատարումը սկսում ենք 7-14 օրվա ընթացքում։ 

Ստուգել մեր սպասարկման որակը

Օգտակա՞ր էր այս հոդվածը

6383 15.01.2024

Շարունակելով օգտվել մեր կայքից, դուք համաձայնում եք քուքիների մշակմանը, որոնք ապահովում են կայքի ճիշտ աշխատանքը: