Վեբ դիզայն ui/ux
Վեբ դիզայնը պատասխանատու է կայքի արտաքին տեսքի, վիզուալիզացիայի, կառուցվածքի նախանշման, էսթետիկայի, ինչպես նաև՝ UI/UX հասկացության համար: Իսկ ի՞նչ է UI/UX-ը։
- UI-ը (User Interface) իրենից ներկայացնում է ինտերֆեյսի դիզայնը՝ կայքի ձևավորումը, տառատեսակների, գույների, վիզուալիզացիայի, կոճակների համադրությունը, պատասխանատու է ընդհանուր էսթետիկ տպավորության համար։
- UX-ը (User Experience) կենտրոնանում է օգտվողների փորձի վրա՝ հաշվի առնելով պրակտիկ պահանջները, գործողությունների հերթականությունը, պատասխանատու է օգտագործման հարմարավետության համար։
Ժամանակակից վեբ դիզայնում ui/ux հասկացություններն այլևս չեն տարբաժանվում և միասին են պատասխանատու որակյալ կայքի ստեղծման համար։ Օրինակ, օգտվողների գործողությունների ուսումնասիրման փորձի (ux) արդյունքում են մասնագետները հանգել եզրակացության, որ կայքի լոգոտիպը պետք է լինի ձախ կողում, վերևը, քանի որ այցելուն բացվող կայքում առաջինը նայում է այդ կետին։ Նույն պատճառով խորհուրդ չի տրվում մենյուի բաժինները տեղաբաշխել աջ կողում։
Նույն փորձի արդյունքում, սակայն հաշվի առնելով գունային մոդան և տենդենցները (ui), դիզայներները համոզվել են, որ դեռահասների համար նախատեսվող կայքերը պետք է ունենան վառ գույներ, իսկ բժշկական ուղղվածության վեբ-դիզայնը պարտադիր պետք է լինի հանգստացնող երանգներով։
Web-դիզայնի ստեղծման փուլերը
Web-դիզայնի ստեղծումը կարելի է բաժանել 5 պայմանական փուլի՝
- User Flow սխեմայի կազմում
- Մակետի ստեղծում
- Դիզայնի պատրաստում
- Դիզայնի ադապտացում
- Կայքի պատրաստումից հետո՝ շտկումներ։
Քանի որ User Flow սխեմայի ստեղծումը պատասխանատու է ապագա կայքում այցելուների քայլերի հերթականության քարտեզի համար և կիրառվում է միայն մեծ նախագծերի պատրաստման դեպքում, այս աշխատանքը, որպես վեբ դիզայնի փուլ հիմնականում բաց են թողնում։
Հայաստանում հաճախ բաց են թողնում նաև էջերի մակետի ստեղծման փուլը, որը մոխրագույն նշումներով ցուցադրում է կայքի ատրիբուտների՝ տեքստ, նկար, վիդեո, վիզուալներ, տեղաբաշխումը։ Ոչ պրոֆեսիոնալ պատվիրատուները հիմնականում հրաժարվում են նման մեխանիզմով էջերի ձևավորումը հաստատելուց՝ միանգամից նախընտրելով տեսնել վեբ-դիզայնը։
- Աստուդիո ընկերությունում սայթի դիզայնը պատրաստելիս ներկայացնում ենք գլխավոր էջի մի քանի տարբերակ, քննարկում, ուղղում, համադրում ենք դրանք, բերում վերջնական տեսքի։
- Գլխավոր էջի վեբ-դիզայնի հաստատումից հետո անցնում ենք բոլոր ներքին էջերի պատրաստմանը, ինչի հաստատումից հետո էլ կատարում ենք ադապտացումը՝ ներկայացնելով տարբերակներ և մոբայլ (320px) և պլանշետային էկրանների համար (1024px):
- Կայքի ստեղծումից և ձևավորումից հետո լինում են դեպքեր, երբ անհրաժեշտություն է առաջանում կատարել փոփոխություններ և շտկումներ՝ պրակտիկ փորձի արդյունքում ռեսուրսի ընկալումը և օգտագործումը դարձնելով ավելի դյուրին։
Պատվիրել կայքի վեբ դիզայն
Գինը՝ սկսած 200,000֏
Կայքերի վեբ-դիզայնը ստեղծում ենք հաշվի առնելով ընկերության բրենդբուքը, իսկ եթե դուք դեռևս չունեք բրենդբուք, դիզայնի շրջանակում ձեր համար կստեղծենք լոգոտիպ։ Աշխատանքը բաժանվում է մի քանի փուլի՝
- Գլխավոր էջի դիզայնի ստեղծում և համաձայնեցում;
- Ներսի էջերի web-դիզայն,
- Բոլոր էջերի ադապտացում (1440px, 1024px, 320px)։
Նշված գինը ներառում է միայն դիզայներական աշխատանքները և, եթե դուք որոշել եք web-կայքի մշակումը պատվիրել այլ կատարողի մոտ, պատրաստի աշխատանքը ձեզ ենք հանձնում Figma ֆայլով: