Լոգոների ստեղծում

Աստուդիո ընկերությունում կարող եք պատվրել հեղինակային լոգոների ստեղծում, վեբ դիզայն և ֆիրմային ոճի մշակում։ Ֆիրմային կամ կորպորատիվ ոճը օգնում է ամրապնդել կազմակերպության ճանաչելիությունը: Ճիշտ մշակված կորպորատիվ ոճը առաջին իսկ պահից հանդիսանում է կազմակերպության դեմքը, այդ իսկ պատճառով շատ կարևոր է մանրամասն մշակել կորպորատիվ ոճի բոլոր դետալները՝ սկսած գույների ընտրությունից մինչև լոգոյի պատրաստումը: 

Ֆիրմային ոճը կազմված է հետևյալ տարրերից՝

  1. տարբերանշան (լոգոտիպ),
  2. կարգախոս,
  3. գունային գամմա,
  4. տառաչափ,
  5. այլ վիզուալ տարրեր:

Այս տարրերի ստեղծումից հետո միայն անցնում ենք հաղորդակցության ֆորմատների մշակմանը՝ Ֆիրմային ձևաթղթեր, բուկլետների դիզայն, պիտակներ, բրոշյուրներ կամ ուղեցույցներ: Ընկերության ֆիրմային ոճը նաև հիմք է հանդիսանում կայքի պատրաստման համար:

 

Ֆիրմային ոճի ստեղծում

 

Երբ ստեղծում եք ընկերություն կամ կազմակերպություն, առաջին հերթին մտածեք ապագա անվանման մասին: Անվանումը պետք է համատեղի մի քանի հատկանիշ՝ լինի յուրահատուկ, հիշվող, գործունեությունը բնութագրող: Միջազգային շուկայում անվանման ճիշտ ընտրության համար աշխատում են մարկետոլոգներ, հոգեբաններ, սոցիոլոգներ: Երբեմն դա հաջողություն է բերում, երբեմն էլ տեսնում ենք անվանումների շատ անհաջող օրինակներ: Հայաստանում ընկերության անվանումը սեփականատիրոջ մենաշնորհն է: Դա վատ չէ, բայց նաև չի խանագարի հաշվի առնել տեխնիկական մի քանի կողմեր՝

  • հապավում․ այսպես են ծնվում ընկերության անվանումները, որտեղ որպես անվանման կրճատ ձև, օգտագործվում են կամ սեփականատերերի անունների առաջին տառերը, կամ երկար անվանման սկզբնատառերը:
  • համակցված․ անվանման այսպիսի ընտրությունը մշակման դեպքում համադրվում են արմատները կամ մի քանի բառերի մասեր, որոնք կամ նկարագրում են ընկերությունը կամ արտադրանքը,
  • աբստրակտ․ այս անվանումները հիմանակնում ստացվում են բարեհունչ համադրություններից և ընկերության գործունեության հետ չունեն իմաստային կապ,
  • նկարագրական․ այպիսի անվան ստեղծան համար նկարագրվում է ընկերության գործունեությունը մեկ-երկու բառով,
  • ընտանեկան․ այսպիսի անվանումներում օգտագործվում են ընկերության հիմնադիր անձանց ազգանունները կամ լեգենդար ազգանուններ։

 

Լոգոտիպի տեսքը և տեսկաները

 

Եթե ընկերության անվանումը ապագա ապրանքանիշի անունն է, ապա լոգոն պետք է դառնա ապրանքանիշի դեմքը: Տեսողական հիշողությունը և համակրանքը երբեմն դառնում են բիզնեսի թռիչքի խռանը: Ի տարբերություն անվան, լոգոտիպի անհրաժեշտությունն այդքան էլ հրատապ հարց չէ: Բայցևայնպես, Հայաստանում սկսել են ավելի հաճախ մտածել լավ լոգո ունենալու մասին: Մենք նկատում ենք որոնումների թվի կտրուկ աճ այս ոլորտում։ Հիմնականում օգտագործվում են լատինատառ բանալի բառեր, այդ պատճառով դրանք մենք երբեմն օգտագործում ենք մեր տեքստերում` «logoneri patrastum», «logoi stexcum» և այլն: 

Լոգոները բաժանվում են 4 մասի՝ տեքստային, նշանային, համակցական, էմբլեմային՝

  • Տեքստային․ պարունակում է անվանման գրությունը և կարող է ունենալ գեղարվեստական տարրեր:
  • Նշան․ տարբերանշան՝ որի հիմքում ընկած է նկար:
  • Համակցական․ դա տեքստային և նշանային խառնուրդն է: Հաճախ այն անվանում են էմբլեմ, որում անվանումը և տարրերը ընդունում են որոշակի տեսք:

Աստուդիո ընկերության դիզայները պատրաստ է մշակելու ոչ միայն ֆիրմային ոճ կամ լոգոտիպ: Մեզ մոտ կարող եք պատվիրել վեբ կայքի պատրաստման համար անհրաժեշտ դիզայնը՝ դեսկթոփ, պլանշետային և մոբայլ տարբերակներով։

 

Ինչպե՞ս ենք կատարում լոգոի պատվերը

 

Ստանալով լոգոի պատրաստման պատվերը՝ մենք նախ ճշտում ենք հաճախորդի նախընտրությունները։ Ճշգրիտ արդյունք ստանալու համար խնդրում ենք լրացնել լոգոի պատրաստման բրիֆը։ Կանխավճարն ընդունելուց հետո անցնում ենք էսքիզների ստեղծմանը։ Ընտրության ենք ներկայացնում մեկ կամ մի քանի տարբերակ (քանակը համաձայնեցնում ենք նախապես, քանի որ նաև դրանից է կախված աշխատանքների արժեքը)։ Պատվիրատուի կողմից տարբերակի ընտրությունից հետո սկսում ենք աշխատել դրա վրա, վերջնական տեսքի բերել լոգոտիպը, գունավորել։ Վերջնական տարբերակի համար պատրաստում ենք լոգոի «անձնագիրը» և հանձնում ենք հաճախորդին։  

Պատվիրել լոգոտիպ

Պատվիրել լոգոտիպ կամ բրենդբուք

Լոգոների գները՝ սկսած 50,000 դրամից ($100)

Դիզայնի ոլորտում կատարում ենք հեղինակային աշխատանքներ։ Ստանալով լոգոտիպի կամ վեբ դիզայնի պատրաստման պատվերը՝ ներկայացնում ենք մի քանի նախնական տարբերակ, ընտրությունից հետո մշակում և վերջնական տեսքի ենք բերում դիզայնը։

Լոգոների պարագայում աշխատանքի վերջնական արժեքը կախված է ներկայացվող տարբերակների և փոփոխությունների քանակից։ Վեբ-դիզայնի ստեղծման աշխատանքի արժեքը հաշվարկում ենք էջերի քանակով։