Օնլայն խորհրդատվության հարթակներ

Օնլայն խորհրդատվության հարթակի ստեղծում

Օնլայն խանութների ստեղծումը՝ որպես ինտերնետային կոմերցիայի տեսակ, աստիճանաբար նորաձև է դառնում Հայաստանում:  Դա զարմանալի չէ:  Ինտերնետային բիզնեսի ստեղծումն արդարացնում է իրեն՝ որպես ակտիվ եկամտի աղբյուր: Նախևառաջ առաջխաղացմանը նպաստում է մեդիա-գովազդի շուկայի կտրուկ զարգացումը: Գովազդային հարթակների պահանջարկը գերազանցում է առաջարկին: Տվյալ փաստն ի հայտ է գալիս, երբ Google և Yandex գովազդային գործիքների միջոցով կոնտեքստային գովազդ եք տեղադրում: Ստուգման ընթացքում բացահայտվում է, որ կոնտեքստային գովազդի գործընկերները տեխնիկական չափանիշներով համապատասխանում են պահանջներին, սակայն կոնտենտի ու առաջխաղացման համար թույլ են, և ուշադիր գովազդատուները պարզապես անջատում են գովազդը տվյալ ռեսուրսներում: Այստեղից հետևություն. համապատասխան հարթակների ստեղծումն ու առաջխաղացումը կարող է արդարացնել անգամ գովազդային աղբյուրներից ստացած եկամուտներով:

Հարթակների բիզնես-հեռանկարները

Հարթակների հեռանկարը պասիվ եկամուտներով չի վերջանում: Ակտիվ եկամուտ կարող են ապահովել տարբեր ծառայություններ, որոնք կոմերցիոն հարթակներ են վաճառում: Նրանց պահանջարկը կախված է ճիշտ մարքեթինգային հետազոտություններից, շրջանառությունից ու որակից: Պահանջված են դառնում այն կայքերը, որոնք վաճառում են նեղ մասնագիտական ծառայություններ:

Հաջողակ նախագիծ ստեղծելու ու գումար վաստակելու համար նախևառաջ պետք է որոշել՝ որ ոլորտում եք ցանկանում առաջ տանել ձեր գործունեությունը, վերլուծել առաջարկվող ծառայությունների պահանջարկը և մտածել՝ ինչպես պետք է տարբերվել մրցակիցներից: Հիանալի տարբերակ է, եթե առաջարկում եք նորույթ, որը ձեր տարածաշրջանում համօրինակներ (անալոգ) չունի:

Օնլայն խորհրդատվությունների բիզնեսը

Որպես հաջող բիզնես-նախագծի վառ օրինակ՝ կներկայացնենք խորհրդատվությունների հարթակի ստեղծումը: Իրավաբանների, հաշվապահների, հոգեբանների, բժիշկների և տարբեր ոլորտի մասնագետների կողմից տրամադրվող ծառայությունների միացյալ հարթակը ավելի մեծ պահանջարկ կունենա ինտերնետային տեխնոլոգիաների զարգացմանը զուգընթաց: Որոշ ռուսական հարթակների հաջող կերպով աշխատում են ցանցում: Նրանցից միայն 2-3-ն են իրական ժամանակում: Հայաստանում նման ռեսուրս գտնել չհաջողվեց:

Ու՞մ է անհրաժեշտ խորհրդատվությունների կայքի ստեղծումը: Բոլոր սովորական և ոչ սովորական մարդիկ երբեմն իրավաբանների օգնության կարիք են զգում, շատ գործատերեր տարբեր հարցերով դիմում են հաշվապահների, հոգեբանների ծառայություններն աստիճանաբար մեծ պահանջարկ են ձեք բերում… Օգտատերերի պոտենցիալ շուկան հսկայական է:

Պահանջարկը գեներացվում է որակյալ առաջարկի օգնությամբ: Որակյալ ծառայություններ տրամադրելու համար անհրաժեշտ են տոկոսների վրա աշխատող լավ մասնագետներ: Ժամանակի ընթացքում օգտատերերն սկսում են գնահատել նրանց, ինչն ազդում է նրանց ծառայությունների արժեքի վրա: Որքան բարձր են գնահատականները, այդքան բարձր են վաստակում մասնագետները: Ռուսաստանում տարբեր ոլորտների մասնագետներ հաճույքով համագործակցում են նմանատիպ հարթակների հետ, քանի որ դա ստաբիլ եկամուտ է ապահովում: Հեռակա ծառայությունների համար պարտադիր չէ նստել գրասենյակում կամ լավ հագնվել:

Astudio ընկերությունը պատրաստ է ցանկացած բարդության հարթակներ ստեղծել ձեր բիզնեսի համար:

Բլոգ

217