Ինչի՞ց սկսել կայքի առաջխաղացումը

Կայքերի առաջխաղացումը հետաքրքիր աշխատանք է, բայց նորը սովորելու մեծ ցանկություն, փորձաքննողի հոգի ու համբերություն է պահանջում: Եթե որոշել եք գումար չծախսել, ապա պատրաստ եղեք ներդնել ձեր գիտելիքները, ժամանակը, սովորել կայքերի շրջանառման նոր մեթոդները, չվստահել կայքի առաջխաղացման անվճար ծրագրերին, ավտոմատացված գործընթացներին ու ռոբոտներին:

Ինչից սկսել կայքի շրջանառությունը

1. SEO առաջխաղացում բանալի բառերով
2. Շրջանառություն սոցցանցերում
3. Հայտարարությունների կայքեր, կատալոգներ, ուղեցույցներ
4. Գովազդային ընկերություններ

Կայքերի SEO առաջխաղացումը թույլ է տալիս բարձրացնել ռեսուրսը որոնողական համակարգերում, գրավել հետաքրքրված օգտատերերին: Գործընթացը ծրագրավորման որոշակի գիտելիքներ և փորձառություն է պահանջում: Որոնողական ալգորիթմները բնական առաջխաղացում են պահանջում, ինչը նվազեցնում է կախվածությունը SEO ընկերություններից:

• Էջերի ճիշտ կառուցվածք ու կցում
• Մարդկանց համար հասկանալի URL հասցեներ
• Բջջային տարբերակի առկայություն
• Ճիշտ մետա-թեգեր
• Ինքնատիպ, օգտակար կոնտենտ
• Թիրախային բառերի ընդգծում խորագրերի օգնությամբ
• Վարքաբանական գործոնների բարելավում

Որոշ փորձագետներ վստահեցնում են, որ դոմենում առկա թիրախային բառերը մեծ դերակատարում ունեն առաջխաղացման գործընթացում: Մեր փորձաքննությունները ցույց են տվել, որ առավել կարևոր է բանալի բառերի առկայությունը ոչ թե դոմենում, այլ ներքին էջերի URL հասցեներում: Ընդ որում՝ կարևոր է, որ հասցեում առկա բառերի քանակը լինեն մինչև վեցը:

Ի՞նչ քանակությամբ բանալի բառեր պետք է դուրս գրել յուրաքանչյուր էջի համար և մետա-թեգերում: Թերևս ամենավիճելի հարցը շրջանառության մեջ է: Google-ը խորհուրդ է տալիս title մետա-թեգում գրանցել մինչև 65 նիշ: Բայց եթե ուսումնասիրում ենք առաջին տասնյակի ցանկը, կայքերից շատերը 150 նիշ ունեցող խորագրեր ունեն: Տարբեր արդյունքների ենք հանդիպում նաև բանալի բառերի խտության հարցում: Google-ը խորհուրդ է տալիս բնական կիրառություն (2-4 բանալի բառ 250 բառի համար), քանի որ բազում կայքեր առավելագույն դիրքի համար վճարման դեպքում սպամային տեքստեր են ունենում: Տեքստերի հետ աշխատանքի ժամանակ ունենք մեկ անհերքելի փաստ՝ պետք է փորձարկումներ անել, շարունակ ավելացնել նոր էջեր և անվճար կոնտենտ, փոխել տեքստերը և գտնել սեփական ոսկե միջինը:

Սոցցանցերում առաջխաղացումը տարբեր ձեռնարկողների թույլ է տալիս հաճախորդներ գտնել և վաճառել արտադրանքը առանց սեփական կայքի առկայության: Պատկերացրեք, թե ինչ արդյունքների կարող եք հասնել այս երկու օգտակար գործիքներն իրար կցելով: Սոցցանցերում ևս պետք է տարբերվող լինել, ընթերցողներին տրամադրել օգտակար և հետաքրքիր նյութեր և շարունակել սովորել նորը: Եթե դուք ունեք երիտասարդ բարեկամ, ով երկար ժամանակ է անցկացնում սոցցանցերում, հազարավոր ընկերներ ունի, ու դուք մտածում եք, որ ամեն երեկո բեռնելով հայտնի անձանց խոսքերն ու շների, կատուների նկարներ՝ նա կարող է շրջանառել ձեր բիզնեսը, ապա չարաչար սխալվում եք:

• Համոզվեք, որ ձեր արտադարանքը կամ ծառայությունը մեծ լսարան ունի տվյալ հարթակում:
• Ստեղծեք բնական անկետաներ, վիրտուալ ընկերների համար դարձեք հետաքրքիր անձնավորություն:
• Կորպորատիվ էջ ստեղծելուց հետո միանգամից մի սպամեք նոր ընկերներին:
• Եղեք համբերատար, տեղադրեք տարբերվող ու հետաքրքիր հոդվածներ և նորություններ:
• Դարձեք նորությունների ու ամբողջապես դրականի աղբյուր, և հետևորդներն իրենք կսկսեն գովազդել ձեզ: