Վեբ ստուդիա Հայաստանում

Վեբ ստուդիա


  "Աստուդիո" ընկերության թիմը վեբ կայքերը պատրաստում է միայն ծրագրային մաքուր կոդերով: Դա հնարավորություն է տալիս խուսափել կայքի շահագործման խնդիրներից, ապահովել կայքի անվտանգությունը և արագ աշխատանքը: Դառնալով մեր գործընկերը` դուք ոչ միայն ստանում եք երկարաժամկետ լուծումներ, այլև առողջ եք պահում ձեր նյարդերը:


Ինչո՞վ չենք զբաղվում

 

  • Չենք կրկնօրինակում ուրիշ կայքերի դիզայնը
  • չենք շարունակում այլ մասնագետների կիսատ թողած աշխատանքները
  • չենք զբաղվում այլ մասնագետների պատրաստած կայքերի սպասարկմամբ
  • չենք ստեղծում այնպիսի կայքեր, ինչպիսիք են Мой Мир-ն ու Facebook-ը
  • չենք ծրագրավորում CMS շաբլոների վրա (դրանց թվում Joomla, Wordpress և այլն)։

 

Կայքերի պատրաստման փուլերը

 

Կազմում ենք կայքի տեխնիկական նախագիծը: Վեբ կայքի աշխատանքից արդյունք ստանալու համար, այն պետք է լինի հեշտ կառավարելի, հագեցած բիզնեսին անհրաժեշտ բոլոր գործիքներով: Դրա համար ռեսուրսը պետք է ճիշտ նախագծել, ծրագրավորել նախապես համաձայնեցված պահանջներին համապատասխան և ոչ թե կայքի պատրաստումից հետո անցնել դրա ձևափոխումներին: Լսելով ցանկությունները և հասկանալով կայքի նպատակները՝ մենք կներկայացնենք վեբ կայքի ամենաօպտիմալ նախագիծը: Այստեղ մենք հաշվի ենք առնում ոչ միայն ֆինանսական հնարավորությունները, այլև փորձում ենք գտնել հնարավորինս մատչելի կառավարվող գործիքներ:

Ստեղծում ենք հեղինակային դիզայն: Բիզնես գաղափարներին մենք տալիս ենք ստեղծագործական լուծումներ, չենք գնում կամ գողանում պատրաստի դիզայներական շաբլոններ։ Վեբ կայքի պատրաստման ընթացքում "Աստուդիոն" առաջարկում է դիզայնի մի քանի տարբերակ, ներկայացնում է դրանց առավելություններն ու սահմանափակումները, չի վախենում քննադատությունից, սակայն միշտ պաշտպանում է մասնագիտական տեսակետը:

Ծրագրավորում են զրոյից: HTML5, CSS, PHP, JavaScript, Ajax, SQL, MVC, node.js: Ծրագրավորման ոլորտում օգտագործվող այս հապավումները դուք պարտավոր չեք իմանալ, սակայն որպես ապագա պատվիրատուի տեղեկացնենք՝ "Աստուդիո" ընկերության թիմը կիրառում է միայն նորագույն տեխնոլոգիաներ և լուծումներ: Մեր աշխատանքները պատվով քննություն են անցել ԱՄՆ-ում, Իտալիայում, Գերմանիայում և Ռուսաստանում:

Ստեղծում ենք կառավարվող կայքեր: Սա նշանակում է, որ պատվիրատուն կամ նրա ներկայացուցիչը ցանկացած ժամանակ առանց ծրագրավորող ներգրավելու կարող են ամբողջովին խմբագրել կայքի ինֆորմացիան: Մեր ստեղծած ադմինիստրացիոն համակարգի հնարավորությունները շատ մեծ են և զերծ են պահում սպասարկման հետագա ծախսերից:

Տեքստերի կազմում և ձևավորում: Կայքի ձևավորման փուլում անհրաժեշտ տեքստերը կազմում ենք օպտիմալացման և առաջխաղացման կանոններին համապատասխան: Որոնման համակարգերում կայքերի առաջխաղացման համար ունիկալ տեքստերը շատ կարևոր են, ինչն էլ ապահովում ենք: Թարգմանությունները կատարում ենք արագ և որակով, իսկ ձևավորման ընթացքում ձեր ներկայացուցիչը լիարժեք սովորում է կայքի շահագործման գործիքներն ու կանոնները:

Կայքերի անվտանգության ապահովում: Աշխարհում առավել խոցելի են հայտնի, հետևաբար նաև լավ ուսումնասիրված CMS շաբլոնների վրա կառուցված վեբ կայքերը: Դրանք ոչ միայն ունեն բազմաթիվ և բազմապիսի սահմանափակումներ, այլև այսպես կոչված գործարանային թերություններ, որոնք էլ խոցելի են դարձնում կայքերը: Հենց անվտանգության պահանջները հաշվի առնելով ենք մենք որդեգրել մաքուր ծրագրային կոդերով, այսինքն` առանց CMS շաբլոնների աշխատելու քաղաքականությունը: