Разработка сайтов под ключ

Վեբ կայքերի պատրաստում

   Մասնագետները գիտեն, որ գոհ հաճախորդը հաջողված բիզնեսի և լավ ֆինանսական աղբյուրի գրավականն է: Մեր մոտ պատվիրելով դիզայնի, ծրագրավորման, գովազդի ծառայություններ, դուք վճարում եք խելամիտ գին, ստանում եք որակյալ աշխատանք, երկարաժամկետ լուծումներ, գործընկերոջ, ով հետևում է կայքին նաև բոլոր վճարումները ստանալուց հետո։ Մեր մասնագետները պատրաստ են կատարել ցանկացած բարդության պատվեր, լինի դա բարդ լուծումներով ինտերնետ խանութ, թե բիզնես-կայք:


Սայթերի ստեղծման գործընթացը


Կազմում ենք տեխնիկական նկարագիր։ Այն անհատը, ով պատրաստվում է պատվիրել կայք, պարտավոր չէ տիրապետել դիզայնի, ծրագրավորման կամ գովազդի հետ կապված նրբություններին: Կատարողը պարտավոր է ծանոթացնել հաճախորդին համագործակցության բոլոր փուլերին: Մենք պատմում ենք բոլոր նրբությունների մասին, այդ թվում գնային հաշվարկների ու հետագա պարտադիր ծախսերի մասին։ Մեր իսկ շահերից է բխում ձեզ հստակ պատկերացում տալ, թե ինչի համար եք վճարում, և ինչ ակնկակել կայքը պատրաստողներից։ Յուրաքանչյուր պոտենցիալ հաճախորդ խորհրդատվության առաջին իսկ փուլում զգում է մատուցված ծառայությունների որակը։


Ստեղծում ենք օրիգինալ դիզայն: Մակետը գծում ենք ինքներս և տրամադրում բոլոր նախնական տարբերակները։ Քննարկման համար ստեղծում ենք դիզայնի մի քանի տարբերակ, լսում ենք կարծիքները, պաշտպանում ենք մասնագիտական կարծիքը։ Դիզայնը, անշուշտ, պետք է պատվիրատուի սրտով լինի։ Բայց "պատվիրատուի ցանկությունը օրենք է" արտահայտությունը մեզ համար դոգմա չէ։ Հարմարավետ և ճաշակով դիզայնը նախատեսված է ոչ թե կայքի սեփականատիրոջ, այլ այցելուների համար։


Կայքի վիզուալ հատվածը (front end) ստեղծում ենք ժամանակակից տեխնոլոգիաների միջոցով` HTML5, CSS3, Bootstrap, jQuery: Ադապտացվող արտաքին տեսքը այսօր կայքի աշխատանքի կարևորագույն բաղադրիչն է: Բացի այն, որ մոբայլ տարբերակը գրավում է սմարթֆոններից և պլանշետներից օգտվող հաճախորդների մեծ բանակին, տեխնոլոգիայի օգտագործումը գնահատվում է նաև որոնողական համակարգերի ռոբոտների կողմից և բարձրացնում է կայքի դիրքերը մոբայլ տարբերակ չունեցող մրցակիցների նկատմամբ:


  Սայթը կարող է ունենալ գեղեցիկ դիզայն, սակայն թերի ծրագրավորման պատճառով ստանա կարճատև դիտումներ և մերժումների մեծ քանակ: Մեր ստեղծած կառավարման համակարգերը թույլ են տալիս ապահովել կայքերի բեռնման բարձր արագություն և տեխնիկական միջազգային նորմերին համապատասխան աշխատանք:

 

Ինչպե՞ս հաշվարկել կայքի արժեքը


   Հայաստանում կայքերի ստեղծման գնային քաղաքականությունը առաջին հայացքից անհասկանալի է։ Նույն ծառայության արժեքը կարող է տարբեր լինել: Օրինակ, ինտերնետ խանութի ստեղծման համար ձեզնից կարող են պահանջել և 50000 դրամ, և կարող եք հանդիպել մասնագետի, որը կհնչեցնի 100 անգամ դրան գերազանցող գին։ Եվրոպայում, Կանադայում, Հնդկաստանում ամեն ինչ ավելի հեշտ է։ Այնտեղ կայքի ստեղծման գինը հաշվարկում են ըստ աշխատանքային ժամերի։ Հնդկաստանում, օրինակ, 1 ժամվա աշխատանքի համար պահանջում են  10-15$, Եվրոպայում 15-50$, ԱՄՆ-ում և Կանադայում 40-120$։ Իսկ ինչպե՞ս հաշվարկել կայքի կամ ինտերնետ խանութի ստեղծման օբյեկտիվ գինը, եթե ժամավճարային համակարգը չի կիրառվում: Որպես օրինակ դիտարկենք միջին կորպորատիվ կայքի ստեղծման փուլերը:

  • Տեխնիկական առաջադրանքի կազմում,
  • Դիզայնի և լոգոտիպի ստեղծում,
  • Արտաքին տեսքի ծրագրավորում,
  • Կառավարման համակարգի ծրագրավորում,
  • Կայքի ձևավորում և ներքին օպտիմալացում:


1. Ոչ ամբողջական տեխնիկական առաջադրանքը կարող է հանգեցնել այնպիսի արդյունքի, որը համապատասխանում է պայմանագրի կետերին, բայց հակասում է պատվիրատուի սպասումներին։ Ապագա կայքի տեխնիկական առաջադրանքը, ինչպես նաև կայքի մակետը մենք ստեղծում ենք բանակցությունների և գնի հաշվարկման փուլում, առանց որևէ փոխադարձ պարտավորության։


2. Դիզայնի ստեղծում և արտաքին տեսքի ծրագրավորում: Բազմաթիվ հաճախորդներ լավ կայք արտահայտության տակ ենթադրում են գեղեցիկ դիզայն։ Դիզայնի շաբլոնները կարելի է նույնիսկ անվճար գտնել: Իսկ հեղինակային դիզայնի համար կվճարեք 50000-120000 դրամ: Եթե պատվիրատուն ցանկանում է ինտերակտիվ jQuery կոմպոնենտներ կամ կայքի մոբայլ տարբերակ ունենալ, այդ դեպքում պատվերի արժեքը կավելանա 50000-100000 դրամով: Այսպիսով, դիզայնի և front end-ի ստեղծման աշխատանքները կպահանջեն 100000-200000 դրամ:


3. Կայքի կառավարման համակարգի ծրագրավորում: Հայաստանում փորձառու ծրագրավորողը ամսական վաստակում է 1000-3000$: Հասցնում է մշակել և փորձարկել 2-4 միջին պրոյեկտ, եթե կայքը չի ստեղծվում արդեն պատրաստի CMS շաբլոնների վրա: Այսինքն, միջինում back end ծրագրավորողը ձեզնից կպահանջի 200000 դրամ:


4. Կայքի ձևավորում և օպտիմալացում: Կայքն ինֆորմացիայով հագեցնելու արժեքը կախված է էջերի քանակից: Մեկ կորպորատիվ ստանդարտ կայքի համար կոնտենտ մենեջերը ստանում է մոտավորապես 30000 դրամ, եթե իհարկե տեքստերը տրամադրում է պատվիրատուն: Իսկ եթե ցանկանում եք նաև օպտիմալացնել կայքը որոնողական համակարգերի պահանջներին համապատասխան, լրացուցիչ պետք է վճարեք մոտ 50000 դրամ:


 Որակյալ կորպորատիվ կայքի ստեղծման ինքնարժեքը

կազմում է 350000-450000 դրամ:


   Եթե որոշել եք կայքը պատվիրել ոչ թե անհատներին, այլ փորձառու վեբ ստուդիայում, կնքել որակի երաշխիքով պայմանագիր, ստանալ հաշվապահական փաստաթղթեր, այս գումարին պետք է ավելացնել գրասենյակի ծախսերը, հարկերը և եկամուտը: Ամբողջը իրար հետ կկազմի կայքի ինքնարժեքի 50-100%-ը: Ստացվում է, որ Երևանում կորպորատիվ կայքի ստեղծման գնային սահմանը, կախված աշխատանքի բարդությունից կկազմի 500000-675000 դրամ:

 

Կայքերի ստեղծման գները

 

  • Լենդինգ էջեր կամ այցեքարտ կայքեր՝ 350000դրամ,
  • Կորպորատիվ բիզնես կայքեր՝ 600000դրամ,
  • Տուրիստական կայքեր պատվերների համակարգով՝ սկսած 850000 դրամից,
  • Հյուրանոցների կայքեր պատվերների և վճարման համակարգով՝ սկսած 750000 դրամից,
  • Լրատվական կայքեր՝ սկսած 1100000 դրամից:
Հոդվածներ ըստ թեմայի